سوڭعى 5 جىلدا قالا بويىنشا تۋبەركۋلەزبەن سىرقاتتانۋشىلىق 29،3%-عا، ال ءولىم-جىتىم 39،3%- عا تومەندەدى، بۇل تۋبەركۋلەز بويىنشا ەپيدەميولوگيالىق جاعدايدىڭ جاقسارعانىن كورسەتەدى.
سپيكەردىڭ مالىمەتىنشە، 2020 جىلى تۋبەركۋلەزبەن سىرقاتتانۋشىلىقتىڭ 23،6%-عا كۇرت تومەندەۋى بايقالدى (الدىڭعى جىلدارى جىلىنا ورتا ەسەپپەن 8-9%-عا تومەندەۋ بايقالدى)، بۇل COVID-19 پاندەمياسىنا بايلانىستى قالانىڭ مساك ۇيىمدارىندا تۋبەركۋلەز بويىنشا پروفيلاكتيكالىق ءىس-شارالاردى شەكتەۋگە بايلانىستى بولدى.
– بۇدان ءارى مساك ۇيىمدارىندا تۋبەركۋلەزدى انىقتاۋ بويىنشا ءىس-شارالار كۇشەيتىلدى، ءبىرىنشى كەزەكتە «جوعارى تاۋەكەل» توپتارىندا. تيىسىنشە، 2021 جىلدىڭ قورىتىندىسى بويىنشا تۋبەركۋلەزبەن سىرقاتتانۋشىلىقتىڭ 11،2%-عا وسكەنى، ال 2022 جىلدىڭ قورىتىندىسى بويىنشا تۋبەركۋلەزبەن سىرقاتتانۋشىلىقتىڭ 9،3%-عا ازايعانى بايقالدى، – دەدى گۇلناز دوسمىرزايەۆا.
ءقازىر ەلوردادا قالا تۇرعىندارىنا پروفيلاكتيكالىق فليۋوروگرافيالىق تەكسەرۋ جۇرگىزۋ ءۇشىن ۆەدومستۆولىق باعىنىستى مساك ۇيىمدارىندا 19 ستاسيونارلىق جانە 12 جىلجىمالى فليۋوروگرافيالىق قوندىرعىلار جۇمىس ىستەيدى.
ءۇش مساك ۇيىمىندا (4، 5، 7 ەمحانالاردا) جانە قالالىق فتيزيوپۋلمونولوگيا ورتالىعىندا اۋرۋدى دياگنوستيكالاۋدىڭ جوعارى سەزىمتال گەندىك-مولەكۋلالىق ادىستەرىنىڭ كومەگىمەن تۋبەركۋلەزگە پاسيەنتتەردى تەكسەرۋ جۇرگىزىلەدى.
زەرتتەۋ ەكى ساعات ىشىندە پاتوگەننىڭ بار-جوعىن انىقتاپ قانا قويماي، ەمدەۋدىڭ ءتيىمدى رەجيمىن تاعايىنداي الادى.
سونىمەن قاتار، امبۋلاتوريالىق كەزەڭدە ەم الاتىن تۋبەركۋلەزبەن اۋىراتىن ناۋقاستارعا ەلوردادا الەۋمەتتىك قولداۋ كورسەتىلەدى. وسىعان دەيىن ازىق-تۇلىك جيىنتىقتارى مەن جول ءجۇرۋ كارتالارىن بولىنسە، 2019 جىلدىڭ ەكىنشى جارتىجىلدىعىنان باستاپ 10 اەك مولشەرىندە اي سايىنعى اقشالاي تولەمدەر دە تولەنىپ كەلەدى.
سپيكەردىڭ ايتۋىنشا، اۋرۋدى باقىلاۋدى قامتاماسىز ەتۋدە «جوعارى تاۋەكەل» توپتارىندا تۋبەركۋلەزدى انىقتاۋ بويىنشا سەرىكتەس رەتىندە ۇەۇ تارتۋ ماڭىزدى بولىپ سانالادى.
24 ناۋرىزدا ەلوردادا قالالىق قوعامدىق دەنساۋلىق ساقتاۋ باسقارماسى 24 اقپاندا باستاعان «ءبىز تۋبەركۋلەزدى جەڭە الامىز» ايلىعى اياقتالدى.
– ايلىق اياسىندا حالىقتىڭ تۋبەركۋلەز ماسەلەلەرى بويىنشا مالىمەتتەردى كوبەيتۋگە جانە وسى اۋرۋمەن كۇرەستە قوعامنىڭ بەلسەندىلىگىن ارتتىرۋعا باعىتتالعان كوپتەگەن ءىس-شارالار قامتىلدى، – دەپ قورىتىندىلادى دەنساۋلىق ساقتاۋ باسقارماسى باسشىسىنىڭ ورىنباسارى.
