Sońǵy 5 jylda qala boiynsha týberkýlezben syrqattanýshylyq 29,3%-ǵa, al ólim-jitim 39,3%- ǵa tómendedi, bul týberkýlez boiynsha epidemiologiialyq jaǵdaidyń jaqsarǵanyn kórsetedi.
Spikerdiń málimetinshe, 2020 jyly týberkýlezben syrqattanýshylyqtyń 23,6%-ǵa kúrt tómendeýi baiqaldy (aldyńǵy jyldary jylyna orta eseppen 8-9%-ǵa tómendeý baiqaldy), bul COVID-19 pandemiiasyna bailanysty qalanyń MSAK uiymdarynda týberkýlez boiynsha profilaktikalyq is-sharalardy shekteýge bailanysty boldy.
– Budan ári MSAK uiymdarynda týberkýlezdi anyqtaý boiynsha is-sharalar kúsheitildi, birinshi kezekte «joǵary táýekel» toptarynda. Tiisinshe, 2021 jyldyń qorytyndysy boiynsha týberkýlezben syrqattanýshylyqtyń 11,2%-ǵa óskeni, al 2022 jyldyń qorytyndysy boiynsha týberkýlezben syrqattanýshylyqtyń 9,3%-ǵa azaiǵany baiqaldy, – dedi Gúlnaz Dosmyrzaeva.
Qazir elordada qala turǵyndaryna profilaktikalyq fliýorografiialyq tekserý júrgizý úshin vedomstvolyq baǵynysty MSAK uiymdarynda 19 statsionarlyq jáne 12 jyljymaly fliýorografiialyq qondyrǵylar jumys isteidi.
Úsh MSAK uiymynda (4, 5, 7 emhanalarda) jáne qalalyq ftiziopýlmonologiia ortalyǵynda aýrýdy diagnostikalaýdyń joǵary sezimtal gendik-molekýlalyq ádisteriniń kómegimen týberkýlezge patsientterdi tekserý júrgiziledi.
Zertteý eki saǵat ishinde patogenniń bar-joǵyn anyqtap qana qoimai, emdeýdiń tiimdi rejimin taǵaiyndai alady.
Sonymen qatar, ambýlatoriialyq kezeńde em alatyn týberkýlezben aýyratyn naýqastarǵa elordada áleýmettik qoldaý kórsetiledi. Osyǵan deiin azyq-túlik jiyntyqtary men jol júrý kartalaryn bólinse, 2019 jyldyń ekinshi jartyjyldyǵynan bastap 10 AEK mólsherinde ai saiynǵy aqshalai tólemder de tólenip keledi.
Spikerdiń aitýynsha, aýrýdy baqylaýdy qamtamasyz etýde «joǵary táýekel» toptarynda týberkýlezdi anyqtaý boiynsha seriktes retinde ÚEU tartý mańyzdy bolyp sanalady.
24 naýryzda elordada qalalyq Qoǵamdyq densaýlyq saqtaý basqarmasy 24 aqpanda bastaǵan «Biz týberkýlezdi jeńe alamyz» ailyǵy aiaqtaldy.
– Ailyq aiasynda halyqtyń týberkýlez máseleleri boiynsha málimetterdi kóbeitýge jáne osy aýrýmen kúreste qoǵamnyń belsendiligin arttyrýǵa baǵyttalǵan kóptegen is-sharalar qamtyldy, – dep qorytyndylady Densaýlyq saqtaý basqarmasy basshysynyń orynbasary.
