تەرگەۋ ماتەريالدارىندا ايىپتالۋشىلار بيۋدجەتكە جالپى كٶلەمٸ 6 ميلليارد تەڭگەگە جۋىق شىعىن كەلتٸرگەن. ولار قىرۋار قارجىنى تٷرلٸ جولمەن جىمقىرعانى مەلٸم بولدى.
قۇرىلىسى وسىدان سەگٸز جىل بۇرىن باستالعان باس قالاداعى جەڭٸل رەلستٸ كٶلٸك جوباسىنا قاتىستى سوت پروتسەسٸ ەندٸ عانا باستالدى. بۇعان دەيٸن تەرگەۋ مەلٸمەتتەرٸندە بۇل ٸسكە 11 ادامنىڭ قاتىستى بار ەكەنٸ ايتىلعان-دى.
بٸراق بٷگٸن باستالعان سوت وتىرىسىندا 9 ادامنىڭ اتى-جٶنٸ ايتىلدى. ولاردىڭ بيۋدجەتكە كەلتٸرگەن شىعىنىنىڭ ناقتى كٶلەمٸن ايتساق, ول – 5 833 300 827 تەڭگە.
كوروناۆيرۋستان ساقتىق شاراسى رەتٸندە العاشقى سوت جيىنى ونلاين تەرتٸبٸمەن ٶتتٸ. قىلمىستىق توپتىڭ 9 مٷشەسٸنٸڭ جەتەۋٸ سوتقا قاشىقتان قاتىستى. ولار قالانىڭ بۇرىنعى كٶلٸك باسقارماسىنىڭ باسشىسى راشيد امانجولوۆ, قالالىق مەسليحاتتىڭ بۇرىنعى دەپۋتاتى ەرٸ حاتشىسى جانات نۇرپەيٸسوۆ, Astana Innovations اق-نىڭ بۇرىنعى باسشىسى مەن تاعى بٸرقاتار مەردٸگەر ۇيىم ٶكٸلدەرٸ بار.
ال بار بىلىقتىڭ باسىندا تۇرعان قالا ەكٸمٸنٸڭ بۇرىنعى ورىنباسارى قانات سۇلتانبەنكوۆ پەن سول ۋاقىت استانا LRT-نى باسقارعان تالعات اردان شەتەلگە قاشىپ كەتكەن.
پروكۋروردىڭ ايتۋىنشا, 2012 جىلى ٷكٸمەت شەشٸمٸمەن اۋقىمدى قۇرىلىستىڭ العاشقى كەزەڭٸ باستالادى. ول ەۋەجاي مەن ەبۋ دابي پلازانىڭ اراسىنداعى 15 شاقىرىمدى جالعاۋى تيٸس بولعان. «تاپ سول قۇرىلىس باستالار شاقتا سۇلتانبەكوۆتٸڭ ويى بۇزىلعان» دەيدٸ پروكۋرور.
– سۇلتانبەكوۆ قارا باسىن بايىتۋ ماقساتىمەن قىلمىس جوسپارىن قۇرادى. ويعا العان جىمىسقى ەرەكەتتٸڭ اۋقىمى ٷلكەن ەكەنٸن ەسكەرٸپ, ونىسىن سەتتٸ جٷزەگە اسىرۋ ٷشٸن قىلمىستىق توپ قۇرادى. وعان «استانا لرت» باسشىسى تالعات اردان مەن قالالىق كٶلٸك باسقارماسىنىڭ باسشىسى راشيد امانجولوۆتى تارتىلعان. ولار ونىڭ تاپسىرماسىن بۇلجىتپاي ورىنداپ وتىرۋعا كەلٸسٸمٸن بەرگەن, – دەيدٸ پروتسەسسۋالدىق پروكۋرور جانگەلدٸ ەسەباەۆ.
پروكۋروردىڭ ايتۋىنشا, قىلمىستىق توپ مٷشەلەرٸ بٸر-بٸرٸمەن ەتەنە تانىس بولماعان. ولاردى بٸرٸكتٸرگەن بٸر عانا نەرسە بولىپتى – قارجىسى كٶپ جوبادان قالايدا جىرىمشىلاپ اقشا جەۋ. ياعني, سمەتالىق قۇجات جاساۋ, تەحنيكالىق باقىلاۋ, مەملەكەتتٸك ساتىپ سىندى جۇمىستار بٸر جەردە ارتىعىمەن باعالانعان.
– ۇيىمداسقان قىلمىستىق توپتىڭ بەلسەندٸ مٷشەسٸ ەرٸ ۇيىمداستىرۋشىلارىنىڭ بٸرٸ بولا وتىرىپ, اردان 2012 جىلدىڭ سوڭىندا قاتارلارىنا دوسى دەۋرەن ەبدٸحاميتوۆتى تارتادى. ٸستٸڭ مەن-جايىن تولىق تٷسٸنٸپ وتىرسا دا ول بايىعىسى كەلٸپ, قىلمىستىق ەرەكەتكە قاتىسۋعا كەلٸسەدٸ. ال سۇلتانبەكوۆ قىلمىستىق توپ مٷشەلەرٸنە ەرقايسىنىڭ قىزمەت لاۋازىمىنا قاراي جاسايتىن ەرەكەتتەرٸن بٶلٸپ بەرٸپ وتىرعان, – دەدٸ پروكۋرور جانگەلدٸ ەسەباەۆ.
توپ مٷشەلەرٸ جاساقتالىپ بولعان سوڭ تالعات اردان مەملەكەتتٸك ساتىپ الۋدان اقشا جاساۋعا كٸرٸسەدٸ. ياعني, جالعان بەسەكەلەستٸك ورتا جاساپ, تەندەردە ىلعي ٶزدەرٸنە قاراستى مەردٸگەرگە ۇتقىزعان.
سودان كەيٸن مەردٸگەرمەن مەملەكەتتٸك ساتىپ الۋ باعاسىن ەلدەقايدا ارتىرىپ, تٷرلٸ كەلٸسٸم-شارتتار جاساعان. پروكۋروردىڭ بايانداماسىنداعى سان تٷرلٸ قىلمىستىق ەرەكەتتٸڭ بۇل بٸر عانا پاراسى ەكەن.
بٷگٸنگٸ سوت بارىسىندا بەرٸنەن دە پروكۋرورعا اۋىر تيدٸ. قىلمىستىق ٸستٸڭ جىلدار بويى قوردالانعان سحەماسىن تولىق اشىپ ايتىپ بەرۋ ٷشٸن ازاننان باستاپ كەشكٸ بەسكە دەيٸن وقىپ بەرۋٸنە تۋرا كەلدٸ. بۇل اۋقىمدى سوت پروتسەسٸنٸڭ باسى عانا. شىعىنى وراسان جوبانى, ەۋ باستا ٷكٸمەت ەلدٸڭ يميدجٸ ٷشٸن دەپ بەكٸتكەن. ساقالدى قۇرىلىسقا اينالعان جوبانىڭ يەسٸ بۇل ارالىقتا اتاۋىن ٶزگەرتٸپ تە ٷلگەردٸ. «استانا LRT» قازٸر CTS دەپ اتالادى.
ەربول تۇرىمبەت
