استاناداعى "№81 Astana English School حالىقارالىق مەكتەبى" كمم بۇرىنعى باسشىلىعىنىڭ ۇستىنەن بيۋدجەت قارجىسىن ءىرى كولەمدە ۇرلادى دەگەن كۇدىكپەن قىلمىستىق ءىس قوزعالدى. ءقازىر بۇل دەرەك بويىنشا ەلوردانىڭ ەكونوميكالىق تەرگەۋ دەپارتمەنتى تەرگەۋ جۇرگىزىپ جاتىر، - دەپ حابارلايدى Dalanews.kz 

قارجىلىق مونيتورينگ اگەنتتىگى مالىمەتىنشە، مەكتەپتىڭ بۇرىنعى ديرەكتورى مەن باس بۋحگالتەرى 900 ملن تەڭگەدەن اسا اقشانى زاڭسىز يەمدەنگەن.

تەرگەۋ ناتيجەسىندە بۇل سومانىڭ ءبىر بولىگى – اتا-انالاردان دايىندىق سىنىپتارىنا وقىتۋ جانە جازعى لاگەرگە قاتىسۋ ءۇشىن قولما-قول الىنعان اقشا ەكەنى، الايدا بۇل قاراجات مەكەمە شوتتارىنا تۇسپەي، ۇرلانعانى انىقتالعان.

"سونىمەن قاتار، شامامەن 16 ملن تەڭگە ءىس جۇزىندە ۇيىمدا جۇمىس ىستەمەيتىن جالعان قىزمەتكەرلەر اتىنا اۋدارىلعان. ولاردىڭ قاتارىندا كۇدىكتىلەردىڭ جالعان تۇردە راسىمدەلگەن تۋىستارى دا بار"، - دەپ جازىلعان حابارلامادا.

جىمقىرىلعان قارجىعا كۇدىكتىلەر جالپى قۇنى 382 ملن تەڭگە بولاتىن جىلجىمايتىن مۇلىك پەن اۆتوكولىك ساتىپ العان. ونىڭ ىشىندە ەلورداداعى ءبىر كوتتەدج، ەكى پاتەر جانە كولىك بارى بەلگىلى بولدى.

ءقازىر بۇل مۇلىك سوت سانكسياسىمەن تاركىلەنىپ، تىيىم سالىندى.

قىلمىستىق ىسكە قاتىستى تەرگەۋ جالعاسىپ جاتىر.