– قالانى قوسىمشا كولەمدە جىلۋمەن جابدىقتاۋدى قامتاماسىز ەتۋ ءۇشىن وتكەن جىلدان باستاپ ەكى گاز جىلۋ ستانسياسىنىڭ قۇرىلىسى باستالعان.
ەلوردانى ارالاۋ بارىسىندا «تۇران» جانە «وڭتۇستىك-شىعىس» گاز جىلۋ ستانسيالارىنىڭ قۇرىلىسىمەن تانىستىم. ولاردىڭ قۋاتى قۇرىلىسى ۇزاققا سوزىلعان جەو-3-تەن اسىپ تۇسەدى.
بۇل گاز جىلۋ ستانسيالارىن اعىمداعى جىلىتۋ ماۋسىمىندا كەزەڭ-كەزەڭىمەن ىسكە قوسۋدى جوسپارلاپ وتىرمىز.
سونىمەن قاتار مەردىگەرگە جەو-3 قۇرىلىسىن بيىل اياقتاۋ مىندەتى جۇكتەلدى. وسى شارالاردىڭ ءبارى جىلۋمەن جابدىقتاۋ كولەمىن ەداۋىر ۇلعايتۋعا، سول سياقتى بولاشاقتا قۇرىلىس جۇمىسى جۇرەتىن اۋدانداردى جىلۋمەن قامتۋعا مۇمكىندىك بەرەدى، – دەپ جازدى ەلوردا اكىمى.
