نۇر-سۇلتان قالالىق قحا فيليالى وكىلدەرىنىڭ اتاپ وتكەنىندەي، وسىناۋ ءىس-شارا – ەل استاناسىنداعى ءتۇرلى ۇلت وكىلدەرىنىڭ باسىن قوسۋ، ولاردىڭ قازاقستاننىڭ وركەندەۋىنە قوسقان ولشەۋسىز ۇلەسىن كوپشىلىككە پاش ەتۋ ماقساتىندا ۇيىمداستىرىلدى.
اۋقىمدى شاراعا اسسامبلەيا قاتارىنداعى يگى جاقسىلار تۇگەل جينالدى دەسە بولادى. شارانىڭ شىمىلدىعىن تۇرگەن قالالىق ىشكى ساياسات دەپارتامەنتى باسشىنىڭ ورىنباسارى ل. قۇسايىنوۆا مۇنداي كورمەنىڭ وتكىزىلۋى اسا ماڭىزدى دەگەن پىكىر ءبىلدىردى.
ەگەمەن ەلدىڭ قالىپتاسۋ كەزەڭىنە شولۋ جاساعان جانە تاۋەلسىزدىك داۋىرىندەگى جەڭىستەر مەن تابىستارعا ايرىقشا توقتالعان قۇسايىنوۆا قازاقستاننىڭ وركەندەۋىنە اسسامبلەيا دا بەلسەنە اتسالىسقانىن اتاپ ءوتتى.
“سلاۆيان جانە كازاك ۇيىمدارى قاۋىمداستىعىنىڭ” ءتوراعاسى ۆلاديمير بوجكونىڭ ايتۋىنشا ەلدەگى ءتۇرلى ەتنوس وكىلدەرىنىڭ قيىن-قىستاۋ شاقتان باۋىرىنا باسىپ، جىلى-جۇمساعىن ۇسىنعان قازاق حالقىنا العىستان باسقا ايتارى جوق.
اسسامبلەيا ۇيىتقى بولعان كورمەدە ەلىمىزدىڭ قالىپتاسۋى مەن دامۋ تاريحى، ۇلتارالىق كەلىسىمنىڭ ارقاسىندا قول جەتكىزگەن جەتىستىكتەر، ءتۇرلى ەتنوس وكىلدەرىنىڭ بۇگىنگى تىنىس-تىرشىلىگى سۋرەت ارقىلى باياندالعان.
ايتا كەتەلىك، اتالعان ءىس - شارا كارانتينگە بايلانىستى ونلاين وتكىزىلدى.
