Nur-Sultan qalalyq QHA filialy ókilderiniń atap ótkenindei, osynaý is-shara – el astanasyndaǵy túrli ult ókilderiniń basyn qosý, olardyń Qazaqstannyń órkendeýine qosqan ólsheýsiz úlesin kópshilikke pash etý maqsatynda uiymdastyryldy.
Aýqymdy sharaǵa Assambleia qataryndaǵy igi jaqsylar túgel jinaldy dese bolady. Sharanyń shymyldyǵyn túrgen qalalyq Ishki saiasat departamenti basshynyń orynbasary L. Qusaiynova mundai kórmeniń ótkizilýi asa mańyzdy degen pikir bildirdi.
Egemen eldiń qalyptasý kezeńine sholý jasaǵan jáne Táýelsizdik dáýirindegi jeńister men tabystarǵa airyqsha toqtalǵan Qusaiynova Qazaqstannyń órkendeýine Assambleia da belsene atsalysqanyn atap ótti.
“Slavian jáne kazak uiymdary qaýymdastyǵynyń” tóraǵasy Vladimir Bojkonyń aitýynsha eldegi túrli etnos ókilderiniń qiyn-qystaý shaqtan baýyryna basyp, jyly-jumsaǵyn usynǵan qazaq halqyna alǵystan basqa aitary joq.
Assambleia uiytqy bolǵan kórmede elimizdiń qalyptasýy men damý tarihy, ultaralyq kelisimniń arqasynda qol jetkizgen jetistikter, túrli etnos ókilderiniń búgingi tynys-tirshiligi sýret arqyly baiandalǵan.
Aita ketelik, atalǵan is - shara karantinge bailanysty onlain ótkizildi.
