اقپاراتتىق توپتىڭ جۇمىس كۇنى مەملەكەتتىك ورگاندار مەن قوعامدىق ۇيىمداردىڭ، كۇشتىك قۇرىلىمداردىڭ، شىعارماشىلىق ينتەلليەنسيا وكىلدەرىنىڭ قاتىسۋىمەن وتكەن دوڭگەلەك ۇستەلدەن باستالدى. جيىن بارىسىندا توپ جەتەكشىسى، قازاقستان رەسپۋبليكاسى ۇلتتىق ۇلانى باس قولباسشىسىنىڭ تاربيە جانە الەۋمەتتىك-قۇقىقتىق جۇمىس جونىندەگى ورىنباسارى، پولكوۆنيك مۇحامەتقالي ساتوۆ ەلباسى جولداۋىنىڭ ءمان-ماڭىزىنا، پرەزيدەنت بەلگىلەگەن مىندەتتەردى جۇزەگە اسىرۋدىڭ العى شارتتارىنا كەڭىنەن توقتالىپ، بۇل تاراپتاعى ۇلتتىق ۇلاننىڭ قىزمەتىن تارقاتا جەتكىزدى.
– ۇلتتىق ۇلاننىڭ جەكە قۇرامى ەلباسى جولداۋىن زور ىقىلاسپەن قابىل الدى. پرەزيدەنتىمىز ايتقان جالپىحالىقتىق قۇندىلىعىمىز – بەيبىتشىلىك پەن تۇراقتىلىقتى قامتاماسىز ەتۋ، سول ارقىلى گۇلدەنگەن مەملەكەت قۇرۋ مىندەتى ءبىزدىڭ جاۋىنگەرلەرگە زور جاۋاپكەرشىلىك ارتادى، - دەپ اتاپ ءوتتى ءوز سوزىندە پولكوۆنيك مۇحامەتقالي ساتوۆ.
وڭتۇستىك استاناداعى العاشقى جۇمىس كۇنىندە ناسيحاتشىلار توبى سونىمەن قاتار مەملەكەتتىك قىزدار پەداگوگيكالىق ۋنيۆەرسيتەتىنىڭ ستۋدەنتتەرىمەن، ۇلتتىق ۇلان 5571 اسكەري ءبولىمىنىڭ جانە ق ر ءىىم اكادەمياسىنىڭ جەكە قۇرامىمەن كەزدەستى. وندا ۇلتتىق ۇلان ورتالىق ءان-بي ءانسامبلىنىڭ ونەرپازدارى قازاقستان رەسپۋبليكاسى تۇڭعىش پرەزيدەنتى كۇنىنە ارنالعان مەرەكەلىك كونسەرتتىك باعدارلامالارىن ورتاعا سالدى.
توپ جەتەكشىسىنىڭ ايتۋىنشا ۇلاندىقتار الداعى كۇندەرى الماتى قالاسىنىڭ تۇرعىندارىنا ارناپ گالا-كونسەرت ۇسىنادى جانە وبلىستىڭ قاراساي، ەڭبەكشىقازاق، جامبىل اۋداندارىندا بولىپ، جۇرتشىلىقپەن جۇزدەسپەك. بۇعان دەيىن توپ مۇشەلەرى الماتى وبلىسىنىڭ ورتالىعى مەن تەكەلى قالاسىندا جانە اقسۋ اۋدانى قىزىلاعاش اۋلىندا بولىپ قايتقان بولاتىن.
دارحان مۇقانوۆ
قازاقستان رەسپۋبليكاسى ۇلتتىق ۇلانى
«وڭتۇستىك» وڭىرلىك قولباسشىلىعىنىڭ قوعاممەن بايلانىس جونىندەگى وفيسەرى
