– Ulttyq ulannyń jeke quramy Elbasy Joldaýyn zor yqylaspen qabyl aldy. Prezidentimiz aitqan jalpyhalyqtyq qundylyǵymyz – beibitshilik pen turaqtylyqty qamtamasyz etý, sol arqyly gúldengen memleket qurý mindeti bizdiń jaýyngerlerge zor jaýapkershilik artady, - dep atap ótti óz sózinde polkovnik Muhametqali Satov.
Ońtústik astanadaǵy alǵashqy jumys kúninde nasihatshylar toby sonymen qatar Memlekettik Qyzdar pedagogikalyq ýniversitetiniń stýdentterimen, Ulttyq ulan 5571 áskeri bóliminiń jáne QR IIM akademiiasynyń jeke quramymen kezdesti. Onda Ulttyq ulan Ortalyq án-bi ansambliniń ónerpazdary Qazaqstan Respýblikasy Tuńǵysh Prezidenti kúnine arnalǵan merekelik kontserttik baǵdarlamalaryn ortaǵa saldy.
Top jetekshisiniń aitýynsha ulandyqtar aldaǵy kúnderi Almaty qalasynyń turǵyndaryna arnap Gala-kontsert usynady jáne oblystyń Qarasai, Eńbekshiqazaq, Jambyl aýdandarynda bolyp, jurtshylyqpen júzdespek. Buǵan deiin top músheleri almaty oblysynyń ortalyǵy men Tekeli qalasynda jáne Aqsý aýdany Qyzylaǵash aýlynda bolyp qaitqan bolatyn.
Qazaqstan Respýblikasy Ulttyq ulany
«Ońtústik» óńirlik qolbasshylyǵynyń qoǵammen bailanys jónindegi ofitseri
