ەلىمىزدىڭ قارۋلى-كۇشتەرىنىڭ ساربازدارىن ماماندىق بويىنشا دايارلاۋ جەلتوقسان ايىنىڭ سوڭىندا اياقتالعان بولاتىن. ءىزىن الا يگەرىلگەن تەوريالىق بىلىمدەرىن ساربازدار ساپىندا ءىس جۇزىندە كورسەتۋ شارالارى باستالدى. باعدارلاماعا سايكەس قاڭتار بويى بولىمشەلەردىڭ جاۋىنگەرلىك دايارلىعى شىڭدالادى. ماقسات – اسكەري قىزمەتكەرلەردىڭ دالالىق ماشىقتارىن پىسىقتاۋ، جەكە قۇرامعا جاڭا تەحنيكالاردى تانىستىرۋ. بۇعان قوسا اسكەري قىزمەتكەرلەردىڭ بويىندا ۇستامدىلىق، توزىمدىلىك، جاۋاپتىلىق سىندى جاۋىنگەرلىك قاسيەتتەردى ۇشتاۋ. وقۋ-جاتتىعۋعا قاتىستىرىلاتىن جاۋىنگەرلىك تەحنيكامەن قارۋ جاراقتىڭ قاي ءتۇرى بولسىن جاۋىنگەرلەرگە جاقسى تانىس. سەبەبى ولارعا الدىمەن تەوريالىق ءبىلىم بەرىلەدى. ياعني وقۋلىقتاردان وقيدى، نۇسقاۋلىقتارىمەن تانىسادى، تيىسىنشە ماكەتتەرىمەن جۇمىس ىستەپ كورەدى. كەيىن تاجىريبەلىك ساباقتارعا جىبەرىلەدى. بۇل وقۋ جاتتىعۋعا قۇرلىق اسكەرلەرىنە قاراسىتى بارلىق ءبولىم جاپپاي قاتىستىرىلادى. سىرت قالىپ قوياتىنى جوق. اسكەري بولىمدەردىڭ جاۋىنگەرلەرى وزدەرىنە بەكىتىلگەن پوليگوندارعا جەتكىزىلەدى. سايكەسىنشە تەوريالىق ءبىلىمدى تاجىريبەدە قولدانۋ باستالادى. بەلگىلى ءبىر باعدار بويىنشا ءجۇرىپ وتىراتىن ساربازدار ءار ءبىر وقۋ-جاتتىعۋ نۇكىتەسىندە جاسايتىن ىس-ارەكەتتەرىن پىسىقتاپ الادى.
ماسەلەن، ءۇشارالدا ورنالاسقان №40398 اسكەري بولىمىندە دايىندىق قىزۋ ءجۇرىپ جاتىر. كوماندير بۇيرىعىمەن 2021 جىلعا ارنالعان «ىشكى اسكەر مەن قاراۋىل قىزمەتىنە ارنالعان وقۋ-جاتتىعۋدى ۇيمداستىرىپ، وتكىزۋ» بويىنشا بارلىق نورما ساقتالعان.
«ماماندىق بويىنشا دايارلاۋ ساباقتارى ءتيىستى قۇجاتتارعا ساي، وقىتۋ ماماندارى مەن ينسترۋكتورلار ساقاداي ساي. دارىستەر اياقتالىپ، ونى تاجىريبەدە قولدانۋ بويىنشا اسكەري شۇعىل قىزمەتتىڭ جەكە قۇرامى ساباقتاردا وتكەن تاقىرىپتارعا قىزىعۋشىلىق تانىتىپ وتىر»،- دەيدى №40398 اسكەري ءبولىم كومانديرىنىڭ «تاربيە جانە يدەولوگيالىق» جۇمىستارى جونىندەگى ورىنباسارى ۇلان پ-پ/ك سەيتقالي بايبوسىنوۆ.
ماتەريالدىق-تەحنيكالىق بازا بويىنشا وقۋ جاتتىعۋدا جەرگىلىكتى كينوپروەكتوردىڭ ماكەتى بويىنشا جۇمىستارىن بولىمشەلەردىڭ كومانديرلەرى قۇلشىنىسپەن اتقارۋدا. سونداي-اق، اسكەري ساربازدار اراسىندا ساۋالناما جۇرگىزىلگەن. ناتيجەسىندە اتالعان شارا باراسىندا جاۋىنگەرلەردىڭ قارۋ-جاراق پەن تەحنيكالىق العان بىلىمدەرىنىڭ جوعارى ەكەنىن كورسەتكەن. بۇعان قوسا اتۋ جاتتىعۋلارى بويىنشا جۇمىستار جوعارى دەڭگەيدە ۇيىمداستىرىلعان. جەكە قۇرامدا اۋىسىم ۋاقىتىندا جۇرگىزىلەدى. جاتتىعۋ بارىسىندا قاۋىپسىزدىك بارىنشا ساقتالعان. ويتكەنى، ونى پايدالانۋ مەن الىپ جۇرۋ تاعى ءبىر ەسكە تۇسىرىلەدى. قازىرگى تاڭدا، ساربازدار الدارىنا قويىلعان مىندەتتەردى ورىنداۋ ۇستىندە.
اتىپ وتەيىك، ءدال وسىنداي جاتتىعۋلار اسكەرلەردى، اسكەر بولىمدەرىن جانە اسكەر ءتۇرىن سوعىس تارتىبىنە كەلتىرىپ، وفيسەرلەردىڭ، سەرجانتتاردىڭ، قاتارداعى جاۋىنگەرلەردىڭ تاكتيكالىق ءبىلىمىن جەتىلدىرىپ، تاجىريبەسىن مولايتادى، قارۋلى كۇشتەردىڭ قابىلەتتىلىگىن ارتتىرىپ، ۇرىسقا ءارقاشان دايىن بولۋىن قامتاماسىز ەتەدى.
الاكول اۋدانى اكىمىنىڭ باسپا ءسوز قىزمەتى
