20 جاستاعى جاۋىنگەردٸڭ تۋىستارى بۇل ەسكەري بٶلٸمدەگٸ ەلٸمجەتتٸكتٸڭ كەسٸرٸ بولۋى مٷمكٸن ەكەنٸن ايتىپ, كٷدٸكتەنۋدە. قىزىلوردا قالاسىنان بىلتىر كٶكتەمدە عانا ەسكەرگە الىنعان سامرات تىنىشتىقباي جىل ٶتپەي جاتىپ جىندىحانادان بٸر-اق شىقتى.
تۋىستارى بۇعان ەسكەري بٶلٸمدەگٸلەردٸڭ قاتىسى بار دەپ توپشىلايدى. سەبەبٸ, وسىدان بەس كٷن بۇرىن عانا اۋىلدان اناسى مەن ەجەسٸ كەلگەندە ۇلى ساۋ بولعان.
ارادا بٸرەر كٷن ٶتكەن سوڭ سامرات پسيحيكالىق اۋىتقۋى بار ناۋقاستارعا ارنالعان اۋرۋحانادان بٸر-اق شىققان.
– كٷدٸگٸمٸز بار, ۇرعان بولۋى مٷمكٸن. ەيتپەسە ەكٸ كٷندە ول بۇلاي جىندى بولىپ قالمايدى عوي. بالامىز جىندى ادام سيياقتى بوپ قالعان. ونى قورقىتىپ-ٷركٸتٸپ, ۇرىپ-سوعىپ سونى بٸلدٸرمەيتٸن وتىرعان سىڭايلى. جاڭا بٸرەۋ «پسيحوتروپ زات سالىپ جٸبەرۋٸ دە مٷمكٸن» دەدٸ. ساپ-ساۋ بالانى ەكٸ كٷننٸڭ ٸشٸندە ەسكەري بٶلٸم پسيحاۋرۋحاناعا جاتقىزعان. نە دەگەن وڭباعان ادامدار! – دەپ اشىندى ساربازدىڭ اپاسى سالتانات تىنىشتىقباي.
– سارباز ساپتا تۇرعاندا ٶزٸنەن ٶزٸ ساندىراقتاپ, سٶيلەي باستادى. ول «ساپقا تۇرىڭدار» دەپ ايقايلايدى. ارىنشا ەن ايتادى. ساربازداردىڭ ساپتا تۇرۋىنىڭ بەلگٸلەنگەن تەرتٸپ بار. ول تەرتٸپكە بەرٸ باعىنۋى كەرەك. جاۋىنگەر تەرتٸپكە باعىنباي, بٸر تەرٸس قىلىقتار جاساعان سوڭ, دەرٸگەرلەر ونى تەكسەرۋگە الدى. ەمدەۋ ورتالىعىنىڭ ماماندارى ساربازدىڭ ەسٸندە كەمٸستٸگٸ بار بولۋى مٷمكٸن ەكەنٸن ايتۋدا. بٸراق ناقتى دياگنوز ەلٸ قويىلعان جوق, – دەيدٸ 35748 ەسكەري بٶلٸمٸ ارتيللەرييا ديۆيزيونىنىڭ كومانديرٸ ەدٸلەت كەنجەبەكوۆ.
– سارباز بٸزگە كەلٸپ تٷسكەندە ونىڭ پسيحيكاسى قاتتى بۇزىلعانى بايقالدى. قازٸر ناۋقاس ستاتسيونارلىق تەكسەرۋدەن ٶتۋدە. سودان كەيٸن ەم الۋعا جاتقىزىلادى. دياگنوزى ەلٸ قويىلعان جوق. تەكسەرٸلۋدە. ون كٷننٸڭ ٸشٸندە دياگنوز قويىلادى, – ديدٸ شىمكەنت پسيحيكالىق دەنساۋلىق ورتالىعىنىڭ بٶلٸم مامانى سۋحراب ەبدٸقادىروۆ.
دەرٸگەرلەر سارباز ەمدەۋ مەكەمەسٸندە كەم دەگەندە بٸر اي جاتاتىنىن ايتۋدا. ال ساپ-ساۋ ۇلىن ەسٸنەن تاندىرعان ەسكەري بٶلٸمدەگٸلەر ەكەنٸنە سەنٸمدٸ جاقىندارى ەسكەري پروكۋراتۋرادان بەينەكامەرالاردى جٸتٸ زەرتتەۋٸن تالاپ ەتۋدە.
