ەسكەري قىزمەتكەر قورعانىس مينيسترلٸگٸنٸڭ اقمولا اۋداندىق پايدالانۋ بٶلٸمٸنە قارسى تۇرعىن ٷي مەسەلەسٸ بويىنشا سوتتا جەڭٸسكە جەتتٸ, دەپ حابارلايدى dalanews.kz.
اقمولا گارنيزونىنىڭ ەسكەري سوتى ەسكەري قىزمەتكەردٸڭ تۇرعىن ٷيگە مۇقتاج دەپ تانۋدان باس تارتقان تۇرعىن ٷي كوميسسيياسىنىڭ شەشٸمٸن زاڭسىز دەپ تانىپ, ونىڭ كٷشٸن جويدى.
سوت انىقتاعانداي, 2026 جىلعى سەۋٸردە تۇرعىن ٷي كوميسسيياسى ەسكەري قىزمەتكەردٸ تۇرعىن ٷيگە مۇقتاج دەپ تانۋدان باس تارتقان. بۇعان ونىڭ استانادا جەكە پەتەرٸ بار ەكەنٸ سەبەپ بولعان.
الايدا سوت پەتەردٸڭ يپوتەكالىق تۇرعىن ٷي زاەمى ەسەبٸنەن ساتىپ الىنعانىن جەنە «وتباسى بانكتە» كەپٸلدە تۇرعانىن ەسكەردٸ. سونىمەن قاتار ەسكەري قىزمەتكەردٸڭ بانك الدىنداعى مٸندەتتەمەلەرٸ سوت قاراعان كەزدە تولىق ورىندالماعان.
سوت تۇرعىن ٷي كوميسسيياسى پەتەردٸڭ يپوتەكا ارقىلى الىنعانىن جەنە بانك الدىنداعى ٶتەلمەگەن مٸندەتتەمەلەردٸ ەسكەرمەگەن دەگەن قورىتىندىعا كەلدٸ.
وسىعان بايلانىستى كوميسسييانىڭ شەشٸمٸ جويىلىپ, جاۋاپكەرگە ەسكەري قىزمەتكەردٸ تۇرعىن ٷيگە مۇقتاج دەپ تانۋ تۋرالى جاڭا ەكٸمشٸلٸك اكت قابىلداۋ مٸندەتتەلدٸ. ول ازاماتتىڭ راپورتى تٸركەلگەن كٷننەن باستاپ ەسەپتەلۋٸ تيٸس.
سونىمەن قاتار جاۋاپكەردەن مەملەكەتتٸك باج تٶلەۋگە جۇمسالعان سوت شىعىندارى ٶندٸرٸلدٸ.
سوت شەشٸمٸ زاڭدى كٷشٸنە ەندٸ.
