Áskeri qyzmetker Qorǵanys ministrliginiń Aqmola aýdandyq paidalaný bólimine qarsy turǵyn úi máselesi boiynsha sotta jeńiske jetti, dep habarlaidy dalanews.kz.
Aqmola garnizonynyń áskeri soty áskeri qyzmetkerdiń turǵyn úige muqtaj dep tanýdan bas tartqan turǵyn úi komissiiasynyń sheshimin zańsyz dep tanyp, onyń kúshin joidy.
Sot anyqtaǵandai, 2026 jylǵy sáýirde turǵyn úi komissiiasy áskeri qyzmetkerdi turǵyn úige muqtaj dep tanýdan bas tartqan. Buǵan onyń Astanada jeke páteri bar ekeni sebep bolǵan.
Alaida sot páterdiń ipotekalyq turǵyn úi zaemy esebinen satyp alynǵanyn jáne «Otbasy bankte» kepilde turǵanyn eskerdi. Sonymen qatar áskeri qyzmetkerdiń bank aldyndaǵy mindettemeleri sot qaraǵan kezde tolyq oryndalmaǵan.
Sot turǵyn úi komissiiasy páterdiń ipoteka arqyly alynǵanyn jáne bank aldyndaǵy ótelmegen mindettemelerdi eskermegen degen qorytyndyǵa keldi.
Osyǵan bailanysty komissiianyń sheshimi joiylyp, jaýapkerge áskeri qyzmetkerdi turǵyn úige muqtaj dep taný týraly jańa ákimshilik akt qabyldaý mindetteldi. Ol azamattyń raporty tirkelgen kúnnen bastap eseptelýi tiis.
Sonymen qatar jaýapkerden memlekettik baj tóleýge jumsalǵan sot shyǵyndary óndirildi.
Sot sheshimi zańdy kúshine endi.
