اسكەردە جۇرگەندە باس-مي جاراقاتىن الىپ، كوماعا تۇسكەن ەربايان مۇحتارعا ىستانبۇلدا ءساتتى وتا جاسالدى، دەپ حابارلايدى Dalanews.kz.
بۇل جاڭالىقتى بەلگىلى زاڭگەر ينگا يمانباي Facebook پاراقشاسىندا جازدى.
“جەلىدە ەرباياننىڭ جاعدايىن سۇراپ، حابارلاسىپ جاتقان اعايىنعا مىڭ العىس. ءقازىر ەرباياننىڭ جاعدايى ءبىرقالىپتى، ستامبۇلدا ەمىن جالعاستىرىپ جاتىر. ءبىرىنشى تۇرعان فوتو بۇگىن جاسالدى. ەكىنشى فوتو ستامبۇلعا كەلگەن كەزدە باسىنا جاسالعان وتادان كەيىنگى كەزى. قۇدايعا شۇكىر وتا ءساتتى جاسالىپ، ەندى رەابيليتاسيالىق ەم-شارا، ەمدىك دەنە شىنىقتىرۋ پروسەدۋرالارى باستالدى”، - دەدى ول.
ايتۋىنشا، قالپىنا كەلۋ ءبىراز ۋاقىتتى تالاپ ەتەدى.
“وعان دايىنبىز. ارى قاراي ەرباياننىڭ جىگەرى مەن دارىگەرلەردىڭ كاسىبيلىگىنە سەنەمىز. ەربايانىمىزدى ىزدەپ، سۇراپ، نيەتتەس بولعاندارىڭىزعا مىڭ العىس. قازىرگە جاڭالىعىمىز وسى. ايتارلىقتاي وزگەرىس، جاقسى جاڭالىعىمىز بولسا مىندەتتى تۇردە سىزدەرمەن بولىسەمىز”، - دەپ جازدى ينگا يمانباي.
ايتا كەتەيىك، بۇعان دەيىن ينگا يمانباي ەربايان مۇحتاردى جاقىندارى ەمدەتۋ ءۇشىن تۇركياعا الىپ كەتكەنىن مالىمدەگەن بولاتىن.
ەسكە سالايىق، بىلتىر جەلتوقسان ايىندا ۇلتتىق ۇلان جاۋىنگەرى ەربايان مۇحتار كوماعا ءتۇستى.
ق ر ءىىم ۇلتتىق ۇلانىنىڭ باسپا ءسوز قىزمەتى ساربازدىڭ دەنساۋلىعىنا قاتىستى رەسمي مالىمدەمە جاساعان بولاتىن.
ۇلتتىق ۇلاننىڭ حابارلاۋىنشا، قاتارداعى ەربايان مۇحتاردىڭ باس جاراقاتىن الۋ فاكتىسى بويىنشا ق ر قك 440-بابى 4-تارماعىنىڭ 3-بولىگىنە ساي قىلمىستىق ءىس قوزعالعان. بۇل جەردە اسكەري قىزمەتشىلەر اراسىنداعى ءوزارا قارىم-قاتىناستاردىڭ جارعىلىق ەرەجەلەرىن بۇزا وتىرىپ، دەنساۋلىققا اۋىر زيان كەلتىرگەنى ماسەلە بولىپ وتىر.
