Dalanews.kz ساراپشىنىڭ stanradar.com سايتىنا بەرگەن سۇحباتىنان قىسقا دا نۇسقا ءۇزىندى ۇسىنادى.
بىلتىر ءبىزدىڭ ەلدەن 45،2 مىڭ ادام كوشىپ كەتكەن. ولاردىڭ كوپشىلىگى (39 مىڭ ادام) رەسەيدەن قونىس تاپقان.
"بۇل قازاقستانداعى حالىق سانىنىڭ ازايۋىنا اسەر ەتكەن جوق. سەبەبى سىرتتان كوشىپ كەلىپ جاتقان ەتنيكالىق قازاقتار بارشىلىق. بۇلاردىڭ كوپشىلىگى ورتا ءبىلىمدى.
سايىپ كەلگەندە بىرەۋ كەتىپ، ءبىر كەلىپ جاتىر. كەتىپ جاتقاندار وقىپ-توقىعان جاستار، كەلىپ جاتقاندار ەتنيكالىق قازاقتار. ولاردىڭ - ءبىلىمى، جۇمىس ءوتىلى جوق. ولار وسىندا كوشىپ كەلىپ، مەملەكەت ەسەبىنەن كۇن كورگىسى كەلەدى"، - دەيدى اشىمبايەۆ.
ونىڭ پىكىرىنشە بۇگىنگى قازاقستان ءومىر سۇرۋگە قولايسىز ەل اينالىپ كەلەدى.
اشىمبايەۆ مەملەكەتتىڭ مونوۇلتتانىپ بارا جاتقانىنا الاڭداۋلى. بۇعان ۇكىمەت مۇشەلەرىنىڭ قۇرامىنا قاراپ-اق كوز جەتكىزۋگە بولادى.
"ۇكىمەتتە رومان سكلياردان (پرەمەردىڭ ورىنباسارى) وزگە ۇلت وكىلدەرى جوق. ۆيسە-مينيسترلەردىڭ دەڭگەيىندە وزگە ۇلت وكىلدەرىن ساۋساقپەن ساناپ الاسىز. اكىمدەر اراسىندا دا قازاق ەمەستەر جوق. اۋدان اكىمدەرى اراسىندا ءىشىنارا عانا وزگە ۇلتتار. ۇلتتىق كومپانيالار دەڭگەيىندە دە وسى كورىنىس.
ەڭ قىزىعى قارىم-قاتىناس، جۇمىس ءتىلى - ورىس ءتىلى"، - دەيدى ول.
ايتۋىنشا قازاقشا سويلەيتىن سلاياۆان وكىلدەرىن بيلىك مادەني ۇگىت-ناسيحات ماقساتىندا عانا پايدالانىپ وتىر. ولاردىڭ بيلىكتە، بيزنەستە، عىلىم-بىلىمدە تابىسقا جەتۋى نەعايبىل. سوندىقتان دا رەسەي مەن باتىسقا كوشۋدەن وزگە امالى جوق.
