ەلوردا اكىمى اسەت يسەكەشيەۆ اقشا سۇرايتىن مەكتەپتەر پروبلەماسىن جەكە باقىلاۋىنا الماق. بۇل تۋرالى ول بۇگىن استانا قالاسى ءبىلىم قىزمەتكەرلەرىنىڭ تامىز كەڭەسىندە مالىمدەدى، دەپ حابارلايدى BNews.kz ءتىلشىسى.
«ءبىلىم مەكەمەلەرى بالالاردى مەكتەپكە قابىلداۋ كەزىندە «ورىن جوق» دەپ سىلتاۋراتىپ، اقشا سۇرايتىنى تۋرالى الەۋمەتتىك جەلىدە ءجيى ايتىلادى. وسىنداي پروبلەمالارمەن كەزدەسكەن قالا تۇرعىندارى تىكەلەي ماعان حابارلاسا الادى»، - دەدى اكىم.
ەلوردا باسشىسى Facebook الەۋمەتتىك جەلىسىندە «استانا ءبىلىمى» پاراعىنىڭ اشىلعانىن دا اتاپ ءوتتى. ونىڭ ايتۋىنشا، جەلىدە قالالىقتارعا ءبىلىم ءبولىمىنىڭ قىزمەتكەرلەرى كومەككە كەلەدى.
«مەن ءوزىم دە Facebookء-تىڭ بۇل پاراقشاسىن باقىلاپ وتىرامىن. بارلىق ۇستازدار قاۋىمىن سول جەردە پىكىر الماسۋعا شاقىرامىن. مەنىڭ ويىمشا، بۇل ەڭ ءتيىمدى ءادىس»، - دەدى يسەكەشيەۆ.
ءسوز سوڭىندا ەلوردا باسشىسى ءبىلىم باعدارلامالارىنىڭ ازىرلەمەسىن باقىلاۋدا ۇستاۋعا جانە جاۋاپتى تۇلعالارعا قاتىستى قاجەتتى شارالاردى قابىلداۋعا ۋادە بەردى.
