باقىت قايىربەكوۆ اتالعان دەرەكتٸ فيلمدٸ وسىدان 5 جىل بۇرىن تٷسٸرگەن. فيلم اكتەردٸڭ 80 جىلدىق مەرەيتويىنا ارنالادى. اسانەلٸ ەشٸموۆ رەجيسسەر جۇمىسىنا جوعارى باعا بەردٸ.
– مەن بٷگٸن بۇل فيلمدٸ بٸرٸنشٸ رەت كٶرٸپ وتىرمىن. باقىت قايىربەكوۆ قازاقستاندىقتار اراسىندا تانىلعان ادام. ونىڭ بۇل ەڭبەگٸن جوعارى باعالايمىن, ماعان قاتتى ۇنادى. مەن بۇل فيلمدٸ جاقسى جۇمىس دەپ ەسەپتەيمٸن. باقىتتىڭ ٶزٸنە دە جۇمىس قورىتىندىسى ۇناپ وتىر, – دەدٸ ەشٸموۆ.
باقىت قايىربەكوۆتٸڭ دەرەكتٸ فيلمٸ حالىقتىڭ سٷيٸكتٸسٸنە اينالعان ەرتٸستٸڭ ٶمٸر جولىنا ارنالعان. وندا شەبەردٸڭ بەلەستەردٸ باعىندىرۋ جولىنداعى قاجىرلى ەڭبەگٸ كٶرسەتٸلگەن. شىنىمەن دە, اسانەلٸ ەشٸموۆكە بۇل شىڭنان كٶرٸنۋ ٷشٸن قانشا تاباندىلىق پەن قايرات كٶرسەتۋ قاجەت بولدى. ٶيتكەنٸ, ول بۇل جولدى تاڭداردا ونىڭ اعايىندارى باسىندا قارسىلىق تا تانىتقان.
– باسىندا شەشەم ديپلوم الىپ, وقۋ وقىساڭ بولدى دەگەن. سوسىن, مەن ٶز تاڭداۋىمدى جاساپ ەدٸم, تۋعان اعام ونداي كەسٸپتٸ ەستٸگٸسٸ دە كەلمەيتٸنٸن ايتتى. ول مۇنى ۇيات دەپ ەسەپتەيدٸ ەكەن. تۇقىمىمىزدا ەرتٸس بولماعان دەيدٸ. كەيٸن مەن كسر حالىق ەرتٸسٸ دەگەن اتاق العانىمدا تاڭداۋىمنىڭ دۇرىس بولعانىن ايتىپ, ماقتان تۇتتى, – دەپ ەسكە الدى مەرەيتوي يەسٸ.
فيلمدە اقساقالدىڭ ٶمٸردە ورنى تولماس قازالارعا دۋشار بولعانى دا ايتىلادى. الدىمەن اناسىن, كەيٸن جان جارىن, سوسىن, بٸر جىلدا ەكٸ ۇلىن جەر قوينىنا تاپسىرعانىن ٶزٸ ايتىپ بەرەدٸ. بٸراق, بٷگٸنگٸ جارى مەن قازٸر ٷشٸنشٸ سىنىپقا باراتىن ۇلى ٶمٸرٸنە نەر بەرگەن.
– مەن تۇرمىسقا كەش شىقتىم. ٶزٸمە لايىقتى جار ٸزدەدٸم. اسانەلٸ مەنٸڭ تاعدىرىم ەكەنٸن تٷسٸندٸم. ول بٸزگە اۋرۋحاناعا تٷسكەندە مەن ونىڭ كٶزٸنەن اۋىرتپاشىلىقتى كٶردٸم. مۇنداي ادام جىلاماۋى كەرەك دەپ ويلادىم. ول ماعان ٶمٸردەگٸ ەڭ باستى سىيلىق ۇلىمدى سىيلادى, – دەدٸ اكتەردٸڭ جارى باعدات ەشٸموۆا.
باقىت قايىربەكوۆتٸڭ فيلمٸ مەتر تۋرالى جالعىز ەڭبەك قانا ەمەس, قازٸرگٸ ۋاقىتتا «قازاقفيلم» ەرتٸستٸڭ ٶمٸرٸ تۋرالى تٷسٸرٸپ جاتقان تۋىندىنى اياقتاۋعا جاقىن. ول فيلم ەكسپو اياسىندا كٶرسەتٸلمەك. حالىق ەرتٸسٸنٸڭ 80 جىلدىڭ مەرەيتويى استانادا اتالىپ ٶتٸلەدٸ.
