قىزىلوردا وبلىسىندا قۇدايىلاردا، استاردا سىبايلاس جەمقورلىقتىڭ زياندىلىعى تۋرالى ۋاعىزدار ايتۋ تۋرالى باستاما كوتەرىلدى.
بۇل تۋرالى ايماقتاعى ءتۇرلى ءدىني ۇيىمداردىڭ وكىلدەرى قاتىسقان «سىبايلاس جەمقورلىققا قارسى مادەنيەتتى قالىپتاستىرۋداعى رۋحانيات پەن ادامگەرشىلىك» اتتى دوڭگەلەك ۇستەلدە ايتىلدى.
ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ قىزىلوردا وبلىسى بويىنشا دەپارتامەنتى وبلىستىق ىشكى ساياسات باسقارماسى جانە ءدىن ماسەلەلەرىن زەرتتەۋ ورتالىعىمەن بىرلەسىپ ۇيىمداستىرعان شارانىڭ ماقساتى - ءدىني بىرلەستىكتەردىڭ الەۋەتىن پايدالانا وتىرىپ سىبايلاس جەمقورلىققا قارسى كۇرەسكە ازاماتتاردى، ونىڭ ىشىندە جاماعاتتى، ءدىني قاۋىم مۇشەلەرىن (پريحوجانە) تارتۋ.
دەپارتامەنت باسشىسىنىڭ ورىنباسارى بەرىكبول بايحوجايەۆ:
"بۇكىل الەمدە سىبايلاس جەمقورلىققا قارسى كۇرەستە جەتەكشى قۇرال بولا الاتىن ءدىننىڭ قوعامدىق پروسەسستەرگە ىقپالى جىل سايىن ارتىپ كەلەدى. ءدىن قوعامدا سىبايلاس جەمقورلىققا مادەنيەتتى قالىپتاستىرۋدا ۇلكەن الەۋەتكە يە. سوندىقتان دەپارتامەنت تاراپىنان حالىق كوپ جينالاتىن ورىنداردا، قۇدايىلاردا، استاردا مەن وزگە دە ءدىني ءىس-شارالاردا جەمقورلىققا قارسى ۋاعىزدار ايتۋ ۇسىنىلدى"
- دەيدى.
جيىندا سويلەگەن ءدىن ماسەلەلەرىن زەرتتەۋ ورتالىعىنىڭ ديرەكتورى ب.كامالوۆ، قازاقستان مۇسىلماندارى ءدىني باسقارماسىنىڭ قىزىلوردا وبلىسى بويىنشا وكىلى ب.ابۋوۆ جانە پراۆوسلاۆتىق شىركەۋ جەتەكشىسى ۆ.يۆانشينين كىسىنىڭ اقىسىن جەۋ، اماناتقا قيانات جاساۋ، پارا بەرۋ مەن پارا الۋ، ءتىپتى پارا بەرۋگە ۇگىتتەۋ دە كۇنا ەكەندىگىن ايتتى.
قازاقستان مۇسىلماندارى ءدىني باسقارماسىنىڭ قىزىلوردا وبلىسى بويىنشا وكىلى بولاتبەك ابۋوۆ ءوز سوزىندە: "تۇپكىلىكتى ماقساتىمىز بەن مىندەتىمىز - حالىقتى يماندىلىققا، ادالدىققا، ادامگەرشىلىككە شاقىرۋ بولعاندىقتان، حالىق اراسىندا رۋحاني ادامگەرشىلىك پەن ادالدىق قۇندىلىقتارىن كەڭىنەن ناسيحاتتاۋدا بىرلەسىپ جۇمىس جاساۋدى ءبىراۋىزدان قولدايمىز"، - دەدى.
ەلىمىزدە سوڭعى جىلدارى دىنگە بەت بۇرعانداردىڭ قاتارى ارتقان. ونىڭ ىشىندە ءدىن تالاپتارىن ۇستاناتىن جاستار سانى وسكەن. WIN/Gallup حالىقارالىق ۇيىمىنىڭ مالىمەتى بويىنشا ەلىمىزدە ءوزىن ءدىني اداممىن دەپ ەسەپتەيتىن ازاماتتاردىڭ ۇلەسى 64 پايىزدى قۇرايدى
