Artsport باعدارلاماسىنان اقشا جەگەن كەسٸپكەر سوتتالدى
وعان قاتىستى سوتقا دەيٸنگٸ تەرگەۋ شارالارى «ەدٸلدٸك جولى» رقب الماتى قالالىق فيليالىنىڭ ٶتٸنٸشٸ بويىنشا باستالعان ەدٸ.
ونىڭ كٸنەسٸ – الماتىدا «Artsport» مەملەكەتتٸك باعدارلاماسىنا بٶلٸنگەن اقشانى جىمقىرعانى. جەرگٸلٸكتٸ كەسٸپكەرلٸك باسقارماسى ٶز ەسەبٸنەن قارجىلاندىرىپ, اتالعان باعدارلاما ارقىلى بالالار مەن جاسٶسپٸرٸمدەردٸڭ سپورت سەكتسييالارىنا تەگٸن قاتىسۋىنا مٷمكٸندٸك بەرۋ كٶزدەلگەن ەدٸ. ال ەنۋاربەك چاكيەۆ بالالار تۋرالى جالعان مەلٸمەت ەنگٸزٸپ, 24 963 011 تەڭگەنٸ قالتاعا باسقان بولىپ شىقتى.
بۇل جىمىسقى ويىن ٸسكە اسىرۋ ٷشٸن ەنۋاربەك چاكيەۆ 2021 جىلدىڭ قازانىندا سول مەكتەپتەردٸڭ باسشىلارىمەن مٷلٸكتٸ 3 جىلعا قايتارىمسىز جالعا الۋ كەلٸسٸمشارتىن جاساسادى. مٷلٸك دەگەنٸڭٸز سپورت عيماراتتارى. بۇل جەردە مەكتەپ ديرەكتورلارى دا ٶز قىزمەتٸن اسىرا پايدالانعان. ٶيتكەنٸ, مەملەكەت مٷلكٸن باسقارۋ مەن ونى جاراتۋ ولاردىڭ قۇزىرىنا كٸرمەيدٸ. ونىمەن قالالىق مەملەكەتتٸك اكتيۆتەر باسقارماسى اينالىسۋى كەرەك.
ال چاكيەۆ سول ويىن ٸسكە اسىرۋدى ويلاپ, سول مەكتەپتەردەگٸ مۇعالٸمدەردٸ دە قاراماعىنا تارتىپ, ەرقايسىنا ايىنا 100 مىڭ تەڭگەدەن تٶلەپ وتىراتىن بولادى. ونىسىن رەسمي تٷردە ەڭبەك كەلٸسٸمشارىمەن رەسٸمدەمەگەن.
ودان بٶلەك, مەكتەپ ديرەكتورلارى مەن مۇعالٸمدەر اتا-انالارعا ەسكەرتپەي چاكيەۆكە وقۋشىلاردىڭ جسن مەن باسقا دا جەكە مەلٸمەتتەرٸن بەرٸپ وتىرعان. ال ول ونى بالالار ٷيٸرمەلەر مەن سەكتسييالارعا بارىپ جٷر دەگەن جالعان ەسەپكە پايدالانعان. نەگٸزٸ بۇل ناعىز جەكە دەرەكتەر تۋرالى زاڭدى ٶرەسكەل بۇزۋ. سايىپ كەلگەندە, مەكتەپ باسشىلارى مەن مۇعالٸمدەر وسىنداي اۋىر قىلمىس جاساۋعا قولعابىس ەتكەن.
