“ارسەلورميتتال تەمىرتاۋ” كومپانياسىنىڭ زاڭگەرى يرينا ەمدى ءولتىرۋ كۇدىگىمەن سوتتالعاندارعا قاتىستى الدىندا شىققان سوت ۇكىمىنىڭ كۇشى جويىلىپ، قىلمىستىق ءىس قايتادان قاراۋعا جىبەرىلدى، دەپ حابارلايدى Dalanews.kz.
“قاراعاندى وبلىستىق سوتىمەن قاراعاندى وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنىڭ 2024 جىلعى 16 اقپانداعى ج.، ر.-عا قاتىستى ۇكىمىنىڭ كۇشى جويىلدى جانە قىلمىستىق ءىس وزگە قۇرامداعى الدىن الا تىڭداۋ ساتىسىنان باستاپ سول سوتقا جاڭا قاراۋعا جىبەرىلدى”، - دەلىنگەن قاراعاندى وبلىستىق سوتى ءمالىم ەتكەن حابارلامادا.
ءبىرىنشى ساتىداعى سوتتا ءىس القابيلەردىڭ قاتىسۋىمەن قارالدى، ولاردىڭ ۇكىمىمەن مىنانداي ايىپتاۋ ۇكىمى شىعارىلدى:
- ج. 99-بابىنىڭ 2-بولىگى 7) تارماقشاسى، 202-بابىنىڭ 2-بولىگى 1)، 5) تارماقشالارى، 58-بابىنىڭ 4 بولىگى بويىنشا قىلمىستىق-اتقارۋ جۇيەسىنىڭ ورتا قاۋىپسىزدىك مەكەمەسىندە جازاسىن وتەۋمەن 18 جىلعا باس بوستاندىعىنان ايىرۋ جازاسىنا سوتتالدى.
- . قك-نىڭ 99-بابىنىڭ 2-تارماعىنىڭ 7) تارماقشاسى بويىنشا قىلمىستىق-اتقارۋ جۇيەسىنىڭ ورتاشا قاۋىپسىزدىك مەكەمەسىندە جازاسىن وتەۋمەن 17 جىلعا باس بوستاندىعىنان ايىرۋعا سوتتالدى.
ەسكە سالايىق، وتكەن جىلى شاحتينسك قالاسىندا ورتەنگەن پاتەردەن “ارسەلورميتتال تەمىرتاۋ” كومپانياسى زاڭگەرىنىڭ دەنەسى تابىلعان بولاتىن.
وبلىستىق توتەنشە جاعدايلار دەپارتامەنتىنىڭ مالىمەتىنشە، قايعىلى وقيعا 23 ساۋىردە تۇستە بولعان.
23 ساۋىردە ساعات 13:01-دە جەڭىسكە 40 جىل كوشەسىندە بەس قاباتتى ءۇيدىڭ ورتەنىپ جاتقانى تۋرالى حابارلاما ءتۇستى. ءۇيدىڭ جوعارعى قاباتىندا جيھازدار مەن زاتتار ورتەنگەن. ءورتتىڭ جالپى اۋدانى – 6 شارشى مەتر. وقيعا ورنىنان 1969 جىلى تۋعان ايەلدىڭ دەنەسى تابىلدى. ماماندار تۇرعىن ۇيدەن 9 ادامدى ەۆاكۋاسيالادى. ءورت ساعات 13:31-دە تولىق ءسوندىرىلدى. وقيعانىڭ ءمان-جايى انىقتالىپ جاتىر، - دەپ جازىلعان حابارلامادا.
قاراعاندى وبلىسى پد باسپا ءسوز قىزمەتىنىڭ مالىمەتىنشە، 54 جاستاعى ايەلدىڭ دەنەسىنەن پىشاق ىزدەرى انىقتالعان. ول “ارسەلورميتتال تەمىرتاۋ” كومپانياسىنىڭ زاڭگەرى بولعان.
"قىلمىستىق كودەكستىڭ 99-بابى 1-بولىگى ("ادام ءولتىرۋ") بويىنشا ءىس قوزعالدى. بۇگىندە وقيعانىڭ ءمان-جايىن انىقتاۋ بويىنشا جەدەل-ىزدەستىرۋ ءىس-شارالارى جۇرگىزىلىپ جاتىر. قاجەت ساراپتاما تاعايىندالدى"، - دەپ جازىلعان حابارلامادا.
