قوعامدىق ساياسات ينستيتۋتىنىڭ زەرتتەۋ ناتيجەسىنە سايكەس، رەسپوندەنتتەردىڭ 70%-دان استامى قازاقستاننىڭ دۇرىس باعىتتا دامىپ كەلە جاتقانىن اتاپ ءوتتى. مۇنداي پىكىر اسىرەسە اۋىل تۇرعىندارى (80،7%)، 24 جاسقا دەيىنگى جاستار (78،9%) جانە ايەلدەر (72،2%) اراسىندا ءجيى كەزدەسەدى، دەپ حابارلايدى Dalanews.kz.
حالىقتىڭ قازىرگى ساياسي جانە الەۋمەتتىك-ەكونوميكالىق جاعدايعا بەرگەن باعاسى سالىستىرمالى تۇردە قالىپتى ءوپتيميزمدى كورسەتەدى: سايكەسىنشە 76،5% جانە 67%.
بۇل ناتيجەلەر ەلدە جۇرگىزىلىپ جاتقان رەفورمالارعا وڭ كوزقاراسپەن بايلانىستىرىلادى. قوعامدىق-ساياسي سالادا ازاماتتارعا اۋىلدىق جانە اۋداندىق دەڭگەيدەگى اكىمدەردى تىكەلەي سايلاۋ مۇمكىندىگى بەرىلدى، سايلاۋ جۇيەسى اشىق بولا ءتۇستى، كونستيتۋسيالىق سوت قايتا قۇرىلدى، گەندەرلىك تەڭدىككە باعىتتالعان باستامالار ايەلدەرگە ساياسات پەن قوعامدىق ومىرگە بەلسەندى ارالاسۋعا جاڭا مۇمكىندىكتەر اشتى.
الەۋمەتتىك-ەكونوميكالىق سالاداعى وزگەرىستەر بيۋدجەت سالاسى قىزمەتكەرلەرىنىڭ تابىسىن ەداۋىر ارتتىرۋعا، اۋقىمدى قولداۋ باعدارلامالارىن ىسكە قوسۋعا، جەر رەسۋرستارىنا ادىلەتتى قولجەتىمدىلىكتى قامتاماسىز ەتۋگە، سونداي-اق زياندى ءوندىرىس ورىندارىندا جۇمىس ىستەيتىندەر ءۇشىن زەينەت جاسىن تومەندەتۋگە مۇمكىندىك بەردى.
جالپى، ساۋالناما ناتيجەلەرىنە سايكەس، رەسپوندەنتتەردىڭ 89%-ى ءوز كوڭىل-كۇيىن وڭ دەپ سيپاتتاعان. بۇل كورسەتكىش اسىرەسە 18-35 جاس ارالىعىنداعى جاستار، وتباسىلى جانە بويداق رەسپوندەنتتەر، سونداي-اق جوعارى ءبىلىمدى ازاماتتار اراسىندا جوعارى.
