Qoǵamdyq saiasat institýtynyń zertteý nátijesine sáikes, respondentterdiń 70%-dan astamy Qazaqstannyń durys baǵytta damyp kele jatqanyn atap ótti. Mundai pikir ásirese aýyl turǵyndary (80,7%), 24 jasqa deiingi jastar (78,9%) jáne áielder (72,2%) arasynda jii kezdesedi, dep habarlaidy Dalanews.kz.
Halyqtyń qazirgi saiasi jáne áleýmettik-ekonomikalyq jaǵdaiǵa bergen baǵasy salystyrmaly túrde qalypty optimizmdi kórsetedi: sáikesinshe 76,5% jáne 67%.
Bul nátijeler elde júrgizilip jatqan reformalarǵa oń kózqaraspen bailanystyrylady. Qoǵamdyq-saiasi salada azamattarǵa aýyldyq jáne aýdandyq deńgeidegi ákimderdi tikelei sailaý múmkindigi berildi, sailaý júiesi ashyq bola tústi, Konstitýtsiialyq sot qaita quryldy, genderlik teńdikke baǵyttalǵan bastamalar áielderge saiasat pen qoǵamdyq ómirge belsendi aralasýǵa jańa múmkindikter ashty.
Áleýmettik-ekonomikalyq saladaǵy ózgerister biýdjet salasy qyzmetkerleriniń tabysyn edáýir arttyrýǵa, aýqymdy qoldaý baǵdarlamalaryn iske qosýǵa, jer resýrstaryna ádiletti qoljetimdilikti qamtamasyz etýge, sondai-aq ziiandy óndiris oryndarynda jumys isteitinder úshin zeinet jasyn tómendetýge múmkindik berdi.
Jalpy, saýalnama nátijelerine sáikes, respondentterdiń 89%-y óz kóńil-kúiin oń dep sipattaǵan. Bul kórsetkish ásirese 18-35 jas aralyǵyndaǵy jastar, otbasyly jáne boidaq respondentter, sondai-aq joǵary bilimdi azamattar arasynda joǵary.
