ارىس قالاسى، سىرداريا ەلدى مەكەنىندە ورنالاسقان س.ادامبەكوۆ اتىنداعى مەكتەپ بيىل «اۋىلدىق ايماقتارداعى تىرەك مەكتەپتەردىڭ الەۋەتىن دامىتۋ» جوباسىنا ەنگەن بولاتىن. وسىعان سايكەس، اتالمىش مەكتەپتىڭ بيىل 32 كابينەتى مەن قوسىمشا ءبىلىم بەرۋ باعىتتارى بويىنشا ستۋديالار تولىق جابدىقتالدى، – دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.
بۇگىن مەكتەپ قابىرعاسىندا جوبانىڭ سالتاناتتى تانىستىرىلىمى ءوتتى. شاراعا تۇركىستان وبلىسى اكىمىنىڭ ورىنباسارى بەيسەنباي تاجىبايەۆ، قالا اكىمى گۇلجان قۇرمانبەكوۆا، قازاقستاننىڭ ەڭبەك سىڭىرگەن ۇستازى كۇلاش ءشامشيدينوۆا، «قازاقستان حالقىنا» قوعامدىق قورى ءتوراعاسىنىڭ ورىنباسارى ءلاززات شىڭعىسبايەۆا مەن جوبانى جۇزەگە اسىرعان ارداقتى ازاماتتار مەن قالا ۇستازدارى قاتىستى.
بۇل جوبا ءبىلىم بەرۋ ساپاسىن ارتتىرۋعا، اۋىل مەكتەپتەرىنە ۇزدىك پەداگوگيكالىق تاجىريبەلەر مەن ءتيىمدى ادىستەمەلەردى ترانسفەرتتەۋگە جانە تىرەك مەكتەپتەردىڭ قاجەتتى ماتەريالدىق-تەحنيكالىق بازاسىمەن قامتاماسىز ەتۋگە باعىتتالعان. جوبانى قازاقستان رەسپۋبليكاسىنىڭ وقۋ-اعارتۋ مينيسترلىگى، «قازاقستان حالقىنا» قورى، AITAS حولدينگى، نازاربايەۆ زياتكەرلىك مەكتەپتەرى مەن ءبىلىم بەرۋ سالاسىن تۇراقتى دامىتۋ قورى ىسكە اسىردى.
اتالعان جوبا اياسىندا س.ادامبەكوۆ مەكتەبىنىڭ سىنىپتاردا جيھازدار جاڭارتىلدى، ەرگونوميكالىق ورىندىقتار مەن پارتالار قويىلدى. سونداي-اق، فيزيكا، حيميا، ماتەماتيكا، بيولوگيا، گەوگرافيا، ينفورماتيكا، جاراتىلىستانۋ كابينەتتەرى ناعىز زاماناۋي ءبىلىم بەرۋ سىنىپتارىنا اينالدى. ينتەراكتيۆتى پانەلدەر مەن زەرتحانالىق جابدىقتار قويىلدى. بۇدان بولەك، STEM زەرتحاناسى جانە روبوتوتەحنيكا كابينەتى تەرەڭدەتىلگەن ءبىلىم الۋ ءۇشىن شاعىن گيدروپونيكا زەرتحاناسىمەن، سىناقتارعا قاجەتتى 3D پرينتەرلەرمەن، ۆيرتۋالدى شىندىق كابينەتتەرىمەن جابدىقتالعان.
ساباق اراسىنداعى ءۇزىلىستى وقۋشىلار ءتيىمدى وتكىزۋ ءۇشىن رەكرەاسيالىق دەمالىس ايماعىنا وقۋشىلارعا ارنالعان ويىندارى بار ارنايى ويىندار، شاحمات ايماعى، ىڭعايلى جيھازدارمەن تولىققان. شاراعا قاتىسقان ۇستازدار مەن ارداگەرلەر جوبانى جۇزەگە اسىرعان ازاماتتارعا شىنايى العىستارىن ءبىلدىردى.
جۇمىس ساپارى بارىسىندا بەيسەنباي داۋلەت ۇلى ارىس قالاسى اكىمىمەن بىرگە وتىرار تۇرعىن اۋدانىندا بوي كوتەرىپ جاتقان 600 ورىندىق ءبىلىم وشاعىنا باردى. قۇرىلىس جۇمىستارىنىڭ ساپاسىن تەكسەردى.
ءۇش قاباتتى مەكتەپ 4 گەكتار اۋماقتا بوي كوتەرگەن. ءبىلىم ورداسى زاماناۋي تالاپتارعا ساي جابدىقتالاتىن. وندا پاندىك كابينەتتەر، تەحنولوگيالىق ءدارىس بەرۋ بولمەلەرى، سپورت، اكت زالدار، سىرتقى سپورت الاڭشالار، كەڭ دە جايلى اسحاناسىمەن جابدىقتالىپ، ساۋلەت-سىمباتىمەن كوز تارتاتىن ۇلگىلى ءبىلىم ورداسىنا اينالماق. بۇگىندە مەكتەپكە قاجەتتى جابدىقتاردى جەتكىزۋ جۇمىستارى قارقىندى جۇرگىزىلۋدە. سونداي-اق، جاڭا مەكتەپ تابيعي گازبەن جىلىتۋ جۇيەسىنە قوسىلادى. سونىمەن قاتار مەكتەپ اۋماعىن اباتتاندىرۋ، جاسىل جەلەكتەر وتىرعىزۋ جانە دەمالىس ايماقتارىن قۇرۋ شارالارى قولعا الىنعان. ارالاۋ بارىسىندا قۇرىلىسقا جاۋاپتى
سالا باسشىلارى مەن مەردىگەرلەرگە جۇمىستى ۋاقتىلى ءارى ساپالى اياقتاۋدى قاتاڭ تاپسىردى.
