ارىستا تويحانالار سپورت ورتالىقتارىنا اينالىپ جاتىر
جاقىن كٷندەرٸ ارىس قالاسىنىڭ ٸرگەسٸندە ورنالاسقان اقدالا اۋىلدىق وكرۋگٸندە بۇرىنعى 500 ورىندىق سالتانات سارايى 1200 بالانى قابىلداۋعا قاۋقارلى سپورتتىق باعىتتاعى عيمارات بولىپ اۋىسقالى جاتىر.
ساناۋلى كٷننەن كەيٸن ٸسكە قوسىلاتىن سپورت ورتالىعىندا بوكس, دزيۋدو, قازاق كٷرەسٸ مەن بي ٷيٸرمەسٸ جۇمىس ٸستەيتٸن بولادى. جاسٶسپٸرٸمدەردٸڭ تەگٸن جاتتىعاتىن ورتالىعىنا تەجٸريبەلٸ ماماندار جان-جاقتان ارنايى شاقىرتىلعان.
جاستاردىڭ شىنىعىپ, شىمىر بولۋىنا جاعداي جاساعان جاس كەسٸپكەر ەلٸبەك قۇرالبەك «تابىستان گٶرٸ تۋعان جەردٸ تٷلەتۋگە قۇمارتتىم» دەيدٸ.
ايتا كەتەيٸك, ارىستا بۇعان دەيٸن دە بٸر تويحانا «تەڭ قوعام» ەلەۋمەتتٸك ورتالىعى بولىپ بەيٸمدەلگەن بولاتىن. مۇندا مٷمكٸندٸگٸ شەكتەۋلٸ ازاماتتار ٷشٸن بوس ۋاقىتىن تيٸمدٸ ٷيلەستٸرۋگە جاعداي جاسالعان.
اپتاسىنا بەس كٷن جۇمىس ٸستەيتٸن نىساندا ٷستەل تەننيسٸ, جاتتىعۋ زالى مەن وي-ٶرٸستٸ دامىتۋعا ارنالعان تٷرلٸ جابدىقتار قويىلعان. تٸپتٸ, تەجيريبەلٸ ماماننىڭ ماسساجى مەن كٸتاپحاناسى دا بار. مۇندا قىزمەتكە قابىلدانعان جۇمىسشىلار دا مٷمكٸندٸگٸ شەكتەۋلٸ جانداردان قۇرالعان.
جالپى بٷگٸندە ارىس قالاسىندا ورنالاسقان 18 تويحانا بار بولسا, قازٸرگٸ كەزدە سونىڭ 5-ەۋٸ نىسانالى ماقساتىن اۋىستىرىپ, ەلەۋمەتتٸك باعىتتا ەل يگٸلٸگٸنە قىزمەت ەتۋدە.
بۇل يگٸلٸكتٸ ٸسكە ۇيىتقى بولعان كەسٸپكەرلەر مەملەكەتتٸك باعدارلامانىڭ ارقاسىندا قارجىلاندىرىلادى. سوندىقتان تۇرعىندار ٷشٸن بارلىعى تەگٸن. تەك عيماراتتى ٶز اقشاسىنا سۇرانىسقا ساي جابدىقتاپ, تالاپقا ساي بەيٸمدەۋٸ كەرەك.
