بۇل تۋرالى ول رەفورمالار جٶنٸندەگٸ جوعارعى كەڭەستٸڭ وتىرىسىندا 2021-2025 جىلدارعا ارنالعان جەكەشەلەندٸرۋ جوسپارى جوباسىن تانىستىرۋ كەزٸندە مەلٸمدەدٸ.
مەملەكەت باسشىسىنىڭ بۇعان دەيٸن بەرگەن تاپسىرماسىنا سەيكەس, تولىقتاي نەمەسە جارتىلاي جەكە بەسەكەلەستٸك سەكتورعا ٶتەتٸن ۇيىمداردىڭ سانى 176-دان 736-عا دەيٸن ۇلعايدى.
بەسەكەلەستٸك ورتاعا 5 تريلليون تەڭگە كٶلەمٸندەگٸ اكتيۆتەردٸڭ بەرٸلۋٸ مەملەكەتتٸڭ ەكونوميكاعا ارالاسۋىن 14 پايىزعا دەيٸن قىسقارتۋعا مٷمكٸندٸك بەرەدٸ. وسىعان وراي ستراتەگييالىق ينۆەستورلار تارتىلىپ, شاعىن جەنە ورتا بيزنەستٸڭ جەكەشەلەندٸرٸلەتٸن كومپانييالاردىڭ قىزمەتٸنە قولجەتٸمدٸلٸگٸ ساقتالادى جەنە كەڭەيەدٸ.
پرەزيدەنت الدىڭعى جەكەشەلەندٸرۋ كەزٸندەگٸ نىسانداردىڭ باسىم بٶلٸگٸ بٸرشاما كەيٸنگە شەگەرٸلگەن نەمەسە مٷلدە الىنىپ تاستالعان تەجٸريبەنٸ ەسكە سالدى.
– جۇمىستىڭ جوسپار بويىنشا جٷرۋٸ اسا ماڭىزدى. بۇل تۇرعىدا ٷكٸمەتتٸڭ ۇستانىمى قاتاڭ بولۋى قاجەت. جەكەشەلەندٸرۋدٸڭ سوڭى جەكە مونوپولييالاردىڭ پايدا بولۋىنا ەكەپ سوقتىرماۋى كەرەك. ونداي جاعداي قوعامنىڭ نارازىلىعىن تۋدىرادى. جەكەشەلەندٸرۋ ٷدەرٸسٸ كەزٸندە اشىقتىق پەن ەدٸلدٸكتٸ قامتاماسىز ەتۋ قاجەت, – دەدٸ مەملەكەت باسشىسى.
وسى رەتتە پرەزيدەنت ٷكٸمەتكە نىسانداردى ساتۋعا قوعامدىق مونيتورينگ جٷرگٸزۋدٸڭ تەتٸكتەرٸن ەزٸرلەۋدٸ تاپسىردى.
– "حالىقتىق IPO" باعدارلاماسىن قايتا جاڭعىرتىپ, اكتسييالاردى, ەڭ الدىمەن, جەكە تۇلعالارعا, ياعني, قازاقستان ازاماتتارىنا ساتۋ كەرەك. ەلٸمٸزدٸڭ ەربٸر ازاماتىندا ۇلتتىق بايلىقتىڭ بٸر بٶلٸگٸن يەلەنۋ مٷمكٸندٸگٸ بولۋى قاجەت, – دەدٸ قاسىم-جومارت توقاەۆ.
