مينسك، گرودنو جانە موگيليەۆ قالالارىندا «ارامتاماق ەمەستەردىڭ مارشى» ءوتتى. ولار «جاتىپ ىشەرلەرگە سالىق سالۋ تۋرالى» دەكتەرتتىڭ كۇشىن جويىپ، جينالعان قاراجاتتى قايتارىپ بەرۋىن تالاپ ەتتى. ايتپەسە ولار پرەزيدەنت پەن ۇكىمەتتىڭ وتستاۆكاسىن تالاپ ەتەدى.

بۇعان قوسا نارازى توپ «اكسيالار كەزىندە ۇستالعانداردىڭ بارلىعىن بوساتۋدى» تالاپ ەتتى.

مارشقا جينالعاندار پرەزيدەنت الەكساندر لۋكاشەنكونىڭ "ارامتاماقتارعا سالىق سالۋ تۋرالى" دەكرەتى كونستيتۋسياعا جانە بەلارۋستىڭ حالىقارالىق مىندەتتەرىنە قايشى كەلەتىنىن مالىمدەدى.

بەلارۋستە جاپپاي نارازىلىق اكسيالارى اقپان ايىنان بەرى ءوتىپ كەلەدى. جاڭا زاڭعاي سايكەس، ەلدىڭ جۇمىس ىستەمەيتىن ءاربىر ازاماتى قازىناعا جىل سايىن شامامەن 200 ەۆرو تولەۋى ءتيىس. ميتينگتەردەن سوڭ پرەزيدەنت لۋكاشەنكو سالىق تولەۋ مەرزىمىن كەلەسى جىلعا اۋىستىردى.