قىزىلوردا وبلىسىنىڭ اكىمى نۇرلىبەك نالىبايەۆتىڭ قاتىسۋىمەن ارال اۋدانىندا «Ase ءىnvest» تۇرمىسقا قاجەتتى ۇنتاقتار وندىرەتىن زاۋىتتىڭ اشىلۋ ءراسىمى ءوتتى، دەپ حابارلايدى Dalanews.kz
وعان پارلامەنت سەناتى مەن ءماجىلىسىنىڭ دەپۋتاتتارى ناۋرىزباي بايقاداموۆ، رۋسلان رۇستەموۆ، مۇرات ابەنوۆ، مارحابات جايىمبەتوۆ،مۇرات ەرگەشبايەۆ، زيالى قاۋىم وكىلدەرى مەن اۋدان تۇرعىندارى قاتىستى. ايماق باسشىسى جينالعان جۇرتشىلىقتى جاڭا زاۋىتتىڭ اشىلۋىمەن قۇتتىقتاپ، ايماقتىڭ كاسىپكەرلىك سالاسىنىڭ جاڭاشىلدىقتارىنا توقتالدى.
«مەملەكەت باسشىسى قاسىم-جومارت كەمەل ۇلى: «مەن ينۆەستيسيا جانە بيزنەس سالاسىنداعى احۋالدى جاقسارتۋعا، كاسىپكەرلىك باستامالاردى قولداۋعا ايرىقشا نازار اۋدارامىن. كاسىپكەرلەرگە قولايلى جاعداي جاساۋ ءۇشىن بيزنەستى جۇرگىزۋ ماسەلەسىنە قاتىستى زاڭ قابىلدادىق. ءقازىر مەملەكەتتىك باقىلاۋ جۇيەسىن رەتكە كەلتىرىپ جاتىرمىز»، – دەگەن بولاتىن. كاسىپكەرلىكتى قولداۋعا 2022-2024 جىلدارى ءارتۇرلى كوزدەردەن 206 ملرد. تەڭگە تارتىلىپ، 16 مىڭ 700 جوبا قارجىلاندىرىلدى. ونىڭ 40 ملرد. 931 ملن تەڭگەسى مەملەكەتتىك باعدارلاما اياسىندا قولداۋ تاپتى. بۇگىن «Ase ءىnvest» سەرىكتەستىگى ىسكە قوساتىن زاۋىتتا شارۋاشىلىققا قاجەتتى ۇنتاقتار شىعارىلماق. جاڭا زاۋىت قۇتتى، جۇمىستارىڭىز ءساتتى، تابىستى بولعاي!»، – دەدى ايماق باسشىسى.
راسىمدە پارلامەنت ءماجىلىسىنىڭ دەپۋتاتتارى مۇرات ەرگەشبايەۆ پەن مۇرات ابەنوۆ قۇتتىقتاۋ ءسوز سويلەدى. سونىمەن قاتار، جاڭاشىل باستاماعا ۇيىتقى بولعان كومپانيا وكىلدەرى وبلىس اكىمىنىڭ العىس حاتىمەن ماراپاتتالدى.
ايتا كەتەيىك، زاۋىت تاۋلىگىنە 22 توننا ءونىم وندىرەدى. شىعارىلعان ءونىمنىڭ 50 پايىزى ەكسپورتقا باعىتتالماق. جوبانىڭ ەكىنشى كەزەڭىندە كاسىپورىن ىلعال مايلىقتار ءوندىرىسىن جولعا قويۋدى جوسپارلاعان. سەح جىل سوڭىنا دەيىن ىسكە قوسىلادى. جاڭا كاسىپورىن 30 ادامدى تۇراقتى جۇمىسپەن قامتاماسىز ەتەدى.
