ارال اۋدانىندا كٶكارال بٶگەتٸ قايتا قالپىنا كەلتٸرٸلٸپ جاتىر. قر سۋ رەسۋرستارى جەنە يرريگاتسييا مينيسترٸ نۇرجان نۇرجٸگٸتوۆ پەن قىزىلوردا وبلىسى ەكٸمٸنٸڭ ورىنباسارى باحىت جاحانوۆ بٶگەتتٸڭ قالپىنا كەلتٸرۋ جۇمىستارىمەن تانىستى,- دەپ حابارلايدى Dalanews.kz
مەملەكەت باسشىسىنىڭ 2019 جىلعى 14 مامىرداعى ايماققا جۇمىس ساپارىندا ٷكٸمەت پەن وبلىس ەكٸمدٸگٸنە "كٶكارال" بٶگەتٸن قالپىنا كەلتٸرۋدە شۇعىل شارالار قابىلداۋ تاپسىرىلعان بولاتىن.
وسى تاپسىرما بويىنشا «كٶكارال بٶگەتٸن ساقتاپ قالۋ جەنە سىردارييا ٶزەنٸنٸڭ اتىراۋىن قالپىنا كەلتٸرۋ» جوباسىنىڭ جوبا-سمەتالىق قۇجاتتاماسى ەزٸرلەنٸپ, مەملەكەتتٸك ساراپتامادان وڭ قورىتىندى الىندى.
جوبانىڭ جالپى قۇنى – 4,5 ملرد تەڭگە. تاپسىرىس بەرۋشٸ – قر سۋ رەسۋرستارى جەنە يرريگاتسييا مينيسترلٸگٸ. جوبانىڭ مەردٸگەرٸ – «قازسۋشار» رمك قىزىلوردا فيليالى.
جوبانى ٸسكە اسىرۋ مەرزٸمٸ 2022-2026 جىلدار ارالىعىن قامتيدى. وسى كەزەڭدە جۇمىس كەزەڭ-كەزەڭٸمەن قارجىلاندىرىلىپ كەلەدٸ.
جوبا شەڭبەرٸندە زاقىمدالعان بٶگەت قالپىنا كەلتٸرٸلٸپ, "قاراشالاڭ" كٶلٸ ارقىلى تەڭٸزگە ەكٸ ارنا جەنە "تۇششى" كٶلٸ ارقىلى بٸر ارنا قازۋ جوسپارلانعان. بۇل كٸشٸ ارال تەڭٸزٸنٸڭ وڭتٷستٸك بٶلٸگٸندە تۇراقتى سۋ اينالىمىن قالىپتاستىرۋعا مٷمكٸندٸك بەرەدٸ.
اتالعان ٸرٸ ەكولوگييالىق جوبا ارال ٶڭٸرٸنٸڭ تابيعي تەپە-تەڭدٸگٸن قالپىنا كەلتٸرۋگە, سۋ رەسۋرستارىن تيٸمدٸ پايدالانۋعا جەنە جەرگٸلٸكتٸ حالىقتىڭ تۇرمىس ساپاسىن جاقسارتۋعا باعىتتالعان.
