شىمكەنت قالاسىنىڭ تۇرعىنى، مەملەكەتتىك كورسەتىلەتىن قىزمەت بويىنشا بەرگەن ءوتىنىش ناتيجەسىمەن وڭ قورىتىندى الا الماعاندىقتان، دەپارتامەنتكە شاعىممەن جۇگىنگەن.

اتالعان شاعىمدى زەردەلەۋ بارىسىندا، قالا تۇرعىنى دەنساۋلىعىنا بايلانىستى ەم الۋ ءۇشىن، مەديسينالىق-سانيتاريالىق العاشقى كومەك كورسەتەتىن دەنساۋلىق ساقتاۋ ۇيىمدارىنا جەكە تۇلعالاردى بەكىتۋ قاعيدالارى تۋرالى قازاقستان رەسپۋبليكاسى دەنساۋلىق ساقتاۋ ءمينيسترىنىڭ 2020 جىلعى 13 قاراشاداعى № ق ر دسم-194/2020 بۇيرىعىنا (ءارى قاراي - قاعيدا) سايكەس، ەمحاناعا تىركەلۋ بويىنشا مەملەكەتتىك قىزمەت كورسەتۋىنە جۇگىنگەن.

الايدا، اتالعان ەمحانا قاعيدادا قارالماعان قۇجاتتاردى تالاپ ەتىپ، ياعني فليۋوروگرافيادان وتكەندىگى تۋرالى دياگنوستيكالىق انىقتاما ۇسىنبادى دەگەن سەبەپپەن تىركەۋدەن نەگىزسىز باس تارتقاندىعى انىقتالدى.

ناتيجەسىندە، دەپارتامەنتتىڭ ارالاسۋىمەن مەملەكەتتىك قىزمەت كورسەتۋ قاعيداسىنا سايكەس اتالعان ازامات ەمحاناعا تىركەلىپ، قۇقىعى قالپىنا كەلتىرىلدى.

سايكەسىنشە، دەپارتامەنت تاراپىنان مەملەكەتتىك كورسەتىلەتىن قىزمەتتەن نەگىزسىز باس تارتۋىنا سەبەپ بەرگەن مامانداردىڭ جاۋاپكەرشىلىگىن قاراۋ جانە الداعى ۋاقىتتا بۇزۋشىلىققا جول بەرمەۋ ماقساتىندا ءتيىستى شارالاردى قابىلداۋ تۋرالى ۇسىنىم جولداندى.

ايتا كەتەيىك، اتالعان قاعيداعا سايكەس كەز كەلگەن ازامات ءوز ەركىن تاڭداۋمەن قالا اۋماعىندا ورنالاسقان مەديسينالىق مەكەمەگە تىركەلۋگە قۇقىلى.

وسى رەتتە، قالا تۇرعىندارىنا مەملەكەتتىك قىزمەت كورسەتۋ ساپاسى دەپارتامەنتتىڭ باستى نازارىندا ەكەندىگىن جەتكىزە وتىرىپ، مەملەكەتتىك كورسەتىلەتىن قىزمەتتى الۋ كەزىندە تۋىنداعان ماسەلەلەر بويىنشا دەپارتامەنتكە جۇگىنە الاتىنىن مالىمدەيمىز.