اقتٶبە وبلىسىندا ۇلتتىق مال شارۋاشىلىعىن دامىتۋعا باعىتتالعان ٸرٸ جوبا جٷزەگە اسىرىلىپ جاتىر. مۇندا «قازاق جىلقى شارۋاشىلىعى جەنە جەمشٶپ ٶندٸرٸسٸ» عىلىمي-زەرتتەۋ ينستيتۋتىنىڭ عيماراتىنىڭ ٸرگەتاسى قالانىپ, قۇرىلىس جۇمىستارى باستالدى, دەپ حابارلايدى Dalanews.kz.
بۇل تاريحي سەتكە قازاق سسر-ٸنٸڭ اۋىل شارۋاشىلىعى عىلىمدارىنىڭ كانديداتى, مۇعالجار جەنە كٶشٸم جىلقى تۇقىمدارىنىڭ اۆتورى, جىلقى شارۋاشىلىعىنىڭ ابىزى – سەرٸكباي رزاباەۆ ارنايى بارىپ, جاڭا ورتالىقتىڭ تابىستى بولۋىنا باتا بەرٸپ, ٸزگٸ تٸلەگٸن جەتكٸزدٸ.
«قازاق جىلقى شارۋاشىلىعى جەنە جەم-شٶپ ٶندٸرٸسٸ» عىلىمي-زەرتتەۋ ينستيتۋتىنىڭ باسقارما تٶراعاسى ەلٸبەك بازارعاليەۆتٸڭ ايتۋىنشا, قۇرىلىس جۇمىستارى 2026 جىلدىڭ ەكٸنشٸ توقسانىندا اياقتالماق.
«قازاق جىلقى شارۋاشىلىعى عىلىمي-زەرتتەۋ ينستيتۋتى ٶتكەن جىلى مەملەكەت باسشىسىنىڭ تاپسىرماسى اياسىندا العاشقى اۋىل شارۋاشىلىعى فورۋمىندا اشىلدى. بيىل, بٸر جىلعا جەتپەي, بۇرىنعى تەجٸريبە ستانتسيياسى عىلىمي-زەرتتەۋ باعىتىنا اۋىستىرىلدى. قازٸرگٸ ۋاقىتتا جاڭا عيماراتتىڭ قۇرىلىس جۇمىستارى جٷرگٸزٸلۋدە. جاڭا نىسان قۇرامىندا بەس زەرتحانا بولادى. بۇل زەرتحانالاردا اسىلتۇقىمدى جىلقىلاردى جان-جاقتى زەرتتەۋ جوسپارلانىپ وتىر. ينستيتۋتتىڭ باستى ماقساتى – جىلقى ەتٸن جەنە قىمىزدى شەتەل نارىعىنا ەكسپورتتاۋ, سونداي-اق ۇلتتىق سپورت تٷرلەرٸن دامىتۋ ارقىلى سپورت باعىتىنداعى جىلقى شارۋاشىلىعىن ٸلگەرٸلەتۋ. سونىمەن قاتار, وتاندىق شاباندوزداردىڭ حالىقارالىق دەڭگەيدەگٸ جارىستارعا قاتىسۋىنا جاعداي جاساۋ كٶزدەلۋدە», – دەدٸ ەلٸبەك بازارعاليەۆ.
ينستيتۋتتىڭ جوبالىق سىزباسىنا سەيكەس, كەشەن اۋماعىندا مانەج, ات قورا, ۆەتەرينارييالىق پۋنكت, زەرتحانالار مەن ات جارىس جولى بار.
اتالعان ينستيتۋتتىڭ قۇرىلىس جۇمىستارى 2026 جىلدىڭ مامىر ايىندا اياقتالىپ, تولىق ٸسكە قوسىلادى دەپ كٷتٸلۋدە. جوبا ٸسكە اسقان جاعدايدا, اقتٶبە ٶڭٸرٸ ەلٸمٸزدەگٸ جىلقى شارۋاشىلىعى مەن قىمىز ٶندٸرٸسٸنٸڭ باستى عىلىمي ورتالىعىنا اينالماق.
