اقتٶبەدە سۋ تاسقىنى ماۋسىمىنا دايىندىق مەسەلەسٸ بويىنشا كٶشپەلٸ القا وتىرىسى ٶتٸپ, ٶڭٸردەگٸ بارلىق جاۋاپتى ورگاندارعا ناقتى تاپسىرمالار جٷكتەلدٸ, دەپ حابارلايدى Dala News.
جيىندى اشقان وبلىس پروكۋرورى مارات ەبٸشەۆ سۋ تاسقىنىنا قارسى ٸس-شارالاردى ۇيىمداستىرۋ بارىسىندا قۇقىق بۇزۋشىلىقتارعا جول بەرمەۋ قاجەتتٸگٸن قاتاڭ ەسكەرتتٸ. ول گيدروتەحنيكالىق قۇرىلىستاردىڭ, ەلدٸ مەكەندەردٸ قورعايتىن ينجەنەرلٸك نىسانداردىڭ, اۆتوجولدار مەن كٶپٸرلەردٸڭ جاي-كٷيٸن تۇراقتى باقىلاۋدا ۇستاۋ كەرەكتٸگٸن اتاپ ٶتتٸ. سونداي-اق ەۆاكۋاتسييالىق پۋنكتتەر مەن جاۋاپتى قىزمەتتەردٸڭ جەدەل ەرەكەت ەتۋگە تولىق دايىن بولۋى تالاپ ەتٸلدٸ.
وبلىس ەكٸمٸ اسحات شاحاروۆ سۋ تاسقىنىنا قارسى جۇمىستار ەرەكشە باقىلاۋدا ەكەنٸن ايتىپ, بارلىق ۋەكٸلەتتٸ ورگاندارعا ٷيلەسٸمدٸ ۆەدومستۆوارالىق ٸس-قيمىل مەن جەدەل اقپارات الماسۋدى كٷشەيتۋدٸ تاپسىردى. ەسٸرەسە سۋ باسۋ قاۋپٸ بار ايماقتاردان حالىقتى ۋاقىتىلى كٶشٸرۋ جەنە العاشقى مەديتسينالىق-ەلەۋمەتتٸك كٶمەكتٸ ۇيىمداستىرۋ مەسەلەسٸنە باسىمدىق بەرٸلدٸ.
تٶتەنشە جاعدايلار دەپارتامەنتٸنٸڭ باسشىسى قاحارمان ورازالين ٶڭٸردەگٸ قازٸرگٸ احۋال تۋرالى باياندادى. ايماقتا جەدەل شتابتار قۇرىلعان, «جەدەل جەلٸ» جۇمىس ٸستەپ تۇر, تەۋلٸك بويى كەزەكشٸلٸك ۇيىمداستىرىلعان.
قازٸردٸڭ ٶزٸندە تاسقىن جاعدايىنا ەرەكەت ەتۋ ٷشٸن 2 مىڭنان استام قىزمەتكەر, 800-دەن استام تەحنيكا جەنە 8 ەۋە كەمەسٸ دايىندىققا كەلتٸرٸلگەن. سونىمەن قاتار 19 بٸرلٸك جاڭا تەحنيكا – اەرولودكالار, جەدەل ەرەكەت ەتۋ كٶلٸگٸ, گيدروتسيكلدەر مەن قايىقتار ساتىپ الىنعان.
پوليتسييا ورگاندارى قوعامدىق قاۋٸپسٸزدٸكتٸ قامتاماسىز ەتۋگە جەنە تٶتەنشە جاعداي سالدارىن جويۋ كەزٸندە قۇقىقتىق تەرتٸپتٸ ساقتاۋعا باعىتتالعان.
كەڭەس قورىتىندىسى بويىنشا مەملەكەتتٸك ورگاندارعا ىقتيمال تٶتەنشە جاعدايلارعا جەدەل ەرەكەت ەتۋ جەنە حالىققا كەلەتٸن شىعىندى بارىنشا ازايتۋ جٶنٸندە ناقتى تاپسىرمالار بەرٸلدٸ.
