اقتٶبەدە جۇمىس كەزٸندە اۋىر جاراقات الىپ, مٷگەدەك بولىپ قالعان قىزمەتكەر جۇمىس بەرۋشٸدەن 10 ميلليون تەڭگە مورالدىق ٶتەماقى ٶندٸرٸپ الدى. بۇل تۋرالى وبلىستىق سوت حابارلادى, دەپ حابارلايدى dalanews.kz.
ٸستٸ قاراۋ بارىسىندا كەسٸپورىندا ەڭبەك قاۋٸپسٸزدٸگٸ تالاپتارى ساقتالماعانى انىقتالعان. جۇمىس بەرۋشٸ قىزمەتكەرلەرگە قاۋٸپسٸز ەڭبەك جاعدايىن قامتاماسىز ەتپەگەن. سونىڭ سالدارىنان تالاپ قويۋشى اۋىر دەنە جاراقاتىن العان.
مەديتسينالىق ساراپتاما قورىتىندىسى بويىنشا قىزمەتكەرگە II توپتاعى مٷگەدەكتٸك بەلگٸلەنٸپ, ونىڭ ەڭبەككە قابٸلەتتٸلٸگٸنەن 80 پايىزعا ايىرىلعانى انىقتالدى.
سوت ٶتەماقى كٶلەمٸن بەلگٸلەۋ كەزٸندە جاراقاتتىڭ اۋىرلىعىن, ەمدەلۋ مەرزٸمٸن, مٷگەدەكتٸكتٸڭ تاعايىندالۋىن جەنە وقيعادان كەيٸن تالاپ قويۋشىنىڭ قالىپتى ٶمٸر سالتى بۇزىلعانىن ەسكەرگەن.
سوت شەشٸمٸمەن جۇمىس بەرۋشٸدەن زارداپ شەككەن قىزمەتكەردٸڭ پايداسىنا 10 ميلليون تەڭگە مورالدىق زييان ٶتەماقىسى ٶندٸرٸلدٸ. بۇدان بٶلەك, ونىڭ جول جٷرۋگە جۇمساعان 255 مىڭ تەڭگە شىعىنى ماتەريالدىق زالال رەتٸندە ٶتەلەتٸن بولدى.
