Aqtóbede jumys kezinde aýyr jaraqat alyp, múgedek bolyp qalǵan qyzmetker jumys berýshiden 10 million teńge moraldyq ótemaqy óndirip aldy. Bul týraly oblystyq sot habarlady, dep habarlaidy dalanews.kz.
Isti qaraý barysynda kásiporynda eńbek qaýipsizdigi talaptary saqtalmaǵany anyqtalǵan. Jumys berýshi qyzmetkerlerge qaýipsiz eńbek jaǵdaiyn qamtamasyz etpegen. Sonyń saldarynan talap qoiýshy aýyr dene jaraqatyn alǵan.
Meditsinalyq saraptama qorytyndysy boiynsha qyzmetkerge II toptaǵy múgedektik belgilenip, onyń eńbekke qabilettiliginen 80 paiyzǵa aiyrylǵany anyqtaldy.
Sot ótemaqy kólemin belgileý kezinde jaraqattyń aýyrlyǵyn, emdelý merzimin, múgedektiktiń taǵaiyndalýyn jáne oqiǵadan keiin talap qoiýshynyń qalypty ómir salty buzylǵanyn eskergen.
Sot sheshimimen jumys berýshiden zardap shekken qyzmetkerdiń paidasyna 10 million teńge moraldyq ziian ótemaqysy óndirildi. Budan bólek, onyń jol júrýge jumsaǵan 255 myń teńge shyǵyny materialdyq zalal retinde óteletin boldy.
