اقتٶبە وبلىسىنىڭ قوعامدىق كەڭەسٸ قالالىق مەكتەپتەردٸڭ 80 پايىزىنداعى اسحانالارعا مونيتورينگ جٷرگٸزٸپ, بٸرقاتار زاڭبۇزۋشىلىقتى انىقتادى. بۇل بۇزۋشىلىقتار سانيتارلىق تالاپتاردىڭ ساقتالماۋى مەن تاعام ٶنٸمدەرٸنٸڭ جەتكٸلٸكسٸز بەرٸلۋٸ سيياقتى مەسەلەلەرگە قاتىستى بولدى. ال كەسٸپكەرلەر ٶز كەزەگٸندە قوعامدىق كەڭەس مٷشەلەرٸن زاڭ تالاپتارىن بۇزدى دەپ ايىپتاپ, باقىلاۋشى ورگاندارعا شاعىم تٷسٸردٸ, دەپ حابارلايدى Dalanews.kz.
Ratel.kz مەلٸمەتٸنشە, تەكسەرٸس كەزٸندە بٸر مەكتەپتٸڭ اسحاناسىندا ەتتٸڭ پورتسيياسى 90 گراممنىڭ ورنىنا نەبارى 32 گرامم بولعانى انىقتالعان. باسقا مەكەمەلەردە سانيتارلىق كٸتاپشالاردىڭ بولماۋى, جارامدىلىق مەرزٸمٸ ٶتٸپ كەتكەن جۋعىش زاتتاردىڭ قولدانىلۋى, ىدىس جۋۋ تەرتٸبٸنٸڭ ساقتالماۋى سىندى دەرەكتەر تٸركەلگەن. كەيبٸر جالعا الۋشىلار كوميسسييانىڭ كٸرۋٸنە كەدەرگٸ كەلتٸرٸپ, كەيٸننەن "اتامەكەن" كەسٸپكەرلەر پالاتاسى مەن پروكۋراتۋراعا شاعىمدانعان.
كەسٸپكەرلەر اتىنان پٸكٸر بٸلدٸرگەن قر بٶلشەك ساۋدا جەنە قوعامدىق تاماقتانۋ قاۋىمداستىعى قوعامدىق كەڭەستٸ كەسٸپكەرلٸك قىزمەتكە زاڭسىز ارالاستى دەپ ايىپتادى. ولاردىڭ پٸكٸرٸنشە, كەڭەس سانيتارلىق قىزمەتتٸڭ ٶكٸلەتتٸگٸنە قول سۇعىپ, كەسٸپكەرلٸك كودەكستٸ بۇزعان.
قاۋىمداستىق ٶز ۋەجٸن بٸلٸم جەنە عىلىم مينيسترلٸگٸنٸڭ بۇيرىعىمەن نەگٸزدەپ وتىر. بۇيرىققا سەيكەس, مەكتەپتەگٸ تاماق ساپاسىن باقىلاۋدى مەكتەپ ەكٸمشٸلٸگٸ مەن اتا-انالار كوميتەتٸنەن قۇرالعان ٸشكٸ كوميسسييا جٷزەگە اسىرۋى تيٸس.
ال قوعامدىق كەڭەس ەشقانداي زاڭ بۇزباعانىن مەلٸمدەدٸ. كەڭەس تٶرايىمى تەتتٸگٷل تالاەۆا تەكسەرۋ جۇمىستارى جالعا الۋشىلاردىڭ كەلٸسٸمٸمەن جٷرگٸزٸلگەنٸن جەنە ونىڭ ماقساتى – بيۋدجەت ەسەبٸنەن قارجىلاندىرىلاتىن مەملەكەتتٸك قىزمەت – مەكتەپتەگٸ تاماقتىڭ ساپاسىن باعالاۋ ەكەنٸن اتاپ ٶتتٸ.
"بٸز تەك مەكتەپتەگٸ اسحانالاردا كٶرسەتٸلەتٸن مەملەكەتتٸك قىزمەتتٸڭ ساپاسىن تەكسەردٸك. بۇل – بيۋدجەتتٸك قارجى ەسەبٸنەن اتقارىلاتىن قىزمەت. ال جەكە كەسٸپكەرلٸكتٸڭ ٸشكٸ شارۋاسىنا ارالاسقان جوقپىز", – دەدٸ تالاەۆا.
ونىڭ ايتۋىنشا, باستاۋىش سىنىپ وقۋشىلارىن تاماقتاندىرۋعا بيۋدجەتتەن 6,8 ميلليارد تەڭگە, ەلەۋمەتتٸك وسال توپتاعى بالالاردىڭ تاماعىنا – 1,7 ميلليارد تەڭگە بٶلٸنگەن.
تالاەۆا كەسٸپكەرلەردٸڭ مەكتەپ اسحانالارىنا ايتارلىقتاي ينۆەستيتسييا قۇيماعانىن العا تارتتى. دەگەنمەن, 2023–2024 جىلدارى ٶڭٸردە مەكتەپ اسحانالارىن جابدىقتاۋعا 300 ميلليون تەڭگەدەن استام قارجى جۇمسالعان.
سونىمەن قاتار ونىڭ ايتۋىنشا, جالعا الۋ اقىسى تٶمەن, ال بٸر مەكتەپتٸڭ ٶزٸنەن تٷسەر تابىس اي سايىن 100 ميلليون تەڭگەگە دەيٸن جەتۋٸ مٷمكٸن. قوعامدىق كەڭەس دەرەگٸنە سٷيەنسەك, بٸر كەسٸپكەر 20 مەكتەپتٸڭ, ەكٸنشٸسٸ – 13 مەكتەپتٸڭ اسحاناسىن جالعا العان.
"سانيتارلىق-ەپيدەميولوگييالىق قىزمەت (سەس) مەكتەپ اسحانالارىن تەك تاماقتان ۋلانۋ وقيعاسى تٸركەلگەن جاعدايدا عانا تەكسەرە الادى. سوندا مٸندەتتٸ تٷردە بٸرەۋ ۋلانۋى كەرەك پە? باسقا جاعدايدا سانيتارلىق دەرٸگەردٸڭ ٶزٸ كەسٸپكەرلٸك كودەكسٸن بۇزدى دەپ جاۋاپقا تارتىلۋى مٷمكٸن. بۇل – دۇرىس پا?", – دەپ كٷيٸندٸ تالاەۆا.
قوعامدىق كەڭەس مٷشەلەرٸ اقتٶبە مەكتەپتەرٸندە قوستانايدان جەتكٸزٸلەتٸن ۋلتراپاستەرلەنگەن سٷت كەڭٸنەن قولدانىلىپ وتىرعانىنا دا نازار اۋداردى. بۇل رەتتە ٶڭٸردە جاڭا ساۋىلعان سٷت ٶندٸرەتٸن ەكٸ زاۋىت جۇمىس ٸستەسە دە, ولار مەكتەپتەرمەن جۇمىس ٸستەمەي وتىر.
"جەرگٸلٸكتٸ ٶندٸرۋشٸلەر جاڭا, پايدالى سٷت ٶنٸمٸن جەتكٸزۋگە دايىن. بٸراق ولارعا ەشكٸم كٶڭٸل بٶلمەي وتىر. بۇل مەسەلەگە جەرگٸلٸكتٸ "اتامەكەن" دە مٷددەلٸ ەمەس سيياقتى", – دەدٸ تالاەۆا.
