14 قاڭتارعا قاراعان ءتۇنى اقتوبەدە بەلگىسىز بىرەۋ ادامداردى كەپىلگە الدى. ۇيدەگى ءۇش ادام زارداپ شەكتى، ونىڭ ەكەۋى قازا تاپتى، دەپ حابارلايدى Dalanews.kz.
13 قاڭتار كۇنى ساعات 20:00 شاماسىندا جەدەل باسقارۋ ورتالىعىنا اقتوبە قالاسىنداعى جەكە تۇرعىن ۇيدەن كەپىلگە الۋ تۋرالى حابارلاما كەلىپ تۇسكەن.
جەدەل-تەرگەۋ توبى مەن ارنايى بولىمشەلەر وقيعا ورنىنا دەرەۋ جەتتى. جەدەل قىزمەتتەر كەلگەن بويدا، كۇدىكتىمەن بۇرىن تانىس بولعان، ءبىر ايەلدىڭ كەپىلگە الىنعانى بەلگىلى بولدى.
بۇل رەتتە كۇدىكتى قانداي دا ءبىر تالاپتار قويعان جوق. ءۇش ساعاتتىق كەلىسسوزدەردەن كەيىن جانە كۇدىكتى كەپىلگە الىنعان ادامدى بوساتۋ تۋرالى تالاپتاردى ورىنداۋدان باس تارتقاننان سوڭ، شابۋىل جاساۋ تۋرالى شەشىم قابىلدانعان.
ارنايى وپەراسيا ناتيجەسىندە كۇدىكتى ۇستالىپ، كەپىلگە الىنعان ايەل بوساتىلدى.
وقيعا بولعان جەردى زەردەلەۋ بارىسىندا جەرتولەدە پىشاق جاراقاتتارىمەن ەگدە جاستاعى اتا-اناسى تابىلدى.
وكىنىشكە قاراي، زارداپ شەككەندەردىڭ ءبىرى تاسىمالداۋ كەزىندە، ال ەكىنشىسى اۋرۋحانادا كوز جۇمدى. ءۇشىنشى جابىرلەنۋشىگە دارىگەرلەر بارلىق قاجەتتى مەديسينالىق كومەك كورسەتىپ جاتىر.
"پوليسيا دەپارتامەنتى قازا تاپقانداردىڭ تۋىستارى مەن جاقىندارىنا كوڭىل ايتادى. كىنالى ادام زاڭنىڭ بارلىق قاتاڭدىعىمەن جازالاناتىن بولادى"، دەيدى پوليسەيلەر.
بۇل فاكتى بويىنشا قىلمىستىق ءىس قوزعالدى. كۇدىكتى ۋاقىتشا ۇستاۋ يزولياتورىنا قامالدى.
