اقتٶبە حالقى بەيبٸت شەرۋگە شىقتى
- كەلگەن ادام قاراسى بارعان سايىن كٶبەيٸپ جاتىر. باسىندا بٸر عانا ادام سٶيلەپ تۇر ەدٸ, كٶپتٸڭ الدىندا سٶيلەگٸسٸ كەلگەن ادامدار كٶبەيٸپ كەتتٸ. ەكٸمشٸلٸك ٶكٸلدەرٸ ميتينگتٸڭ قاتىسۋشىلارىنا اينالدى. حالىقتى توقتاتا الماي جاتىر, - دەيدٸ ولگا كليمونوۆا. جينالعاندار اراسىندا ەرەسەك ادامدار, فەرمەرلەر, جاستار بار.
ازاتتىق تٸلشٸسٸ كليمونوۆامەن سٶيلەسٸپ تۇرعان كەزدە تۇتقانىڭ ارعى جاعىنان ىسقىرىقتار مەن حالىقتىڭ ۇرانداپ جاتقانى ەستٸلدٸ.
ولگا كليمونوۆانىڭ ايتۋىنشا, كەشە, ياعني سەۋٸردٸڭ 26-سى كٷنٸ ەلەۋمەتتٸك جەلٸدە ميتينگ ٶتەتٸنٸ تۋرالى حابارلاما بولعان. بٷگٸن تٷسكٸ ساعات بٸردەن سوڭ جۇرت بٸرٸنشٸ پرەزيدەنت اتىنداعى پارك تٶڭٸرەگٸنە جينالا باستاعان. ەۋەلٸ ميتينگكە كەلگەن ادامداردى «ساياباقتى دەرٸلەيمٸز» دەپ كٸرگٸزبەي قويعان. تۇرعىندار ميتينگتٸ تروتاۋاردا ٶتكٸزە باستاعاننان كەيٸن ەكٸمشٸلٸك ٶكٸلدٸرٸ پارككە كٸرۋگە رۇقسات بەرگەن.
سەمەيدە دە بٷگٸن تٷستەن كەيٸن جەر داۋىنا قاتىستى شامامەن ونداعان ادام جينالعان ميتينگ بولدى. جيىنعا قاتىسقان ماقسات جەنٸبەك ەسٸمدٸ تۇرعىننىڭ ازاتتىققا ايتۋىنشا, قالا ەكٸمٸ كەلٸپ "تالاپتارىڭىزدى جازباشا جەتكٸزٸڭٸزدەر, جوعارى جاققا جەتكٸزەمٸز" دەگەن سوڭ تۇرعىندار حاتقا قول قويىپ بەرگەن. قازٸر اقىرىنداپ تاراپ جاتىر.
بٷگٸن سەمەي قالالىق پروكۋراتۋراسى مەن ەكٸمدٸگٸ رۇقسات ەتٸلمەگەن جيىن ٶتكٸزبەۋ تۋرالى ەسكەرتۋ جاساعان.
قازاقستان ٷكٸمەتٸ ٶتكەن ايدا جەر تۋرالى زاڭعا بىلتىر كٷزدە ەنگٸزٸلگەن ٶزگەرٸستەرگە ساي بيىل شٸلدەدەن باستاپ اۋىل شارۋاشىلىق جەرلەرٸن ازاماتتارعا جەكە مەنشٸككە اۋكتسيون ارقىلى ساتۋ, سونىمەن بٸرگە شەتەلدٸكتەر مەن ازاماتتىعى جوق ادامدارعا 25 جىلعا دەيٸن مەرزٸمگە جالعا بەرۋ تەرتٸبٸ كٷشٸنە ەنەدٸ دەپ حابارلاعان.
جەر ساتۋ مەن شەتەلدٸكتەرگە جەردٸ جالعا بەرۋ جٶنٸندەگٸ ٷكٸمەت باستاماسىنا قارسى بۇعان دەيٸن زييالىلاردىڭ تالاپ-حاتى جارييالانىپ, استانا مەن ورالدا بەلسەندٸ ازاماتتاردىڭ جالعىز ادامدىق پيكەتتەرٸ مەن الماتىدا شاعىن جيىن ٶتكەن. 24 سەۋٸردە اتىراۋدا جەرگە قاتىستى بٸرنەشە مىڭ ادام جينالعان ميتينگبولعان. ال 26 سەۋٸردە الماتىنىڭ "استانا" الاڭىندا جەردٸ جالعا بەرۋگە قارسى جالعىز ادامدىق پيكەتكە شىققان تۇرعىندى پوليتسييا ۇستاپ ەكەتكەن.
