5 ماۋسىمدا ساعات 15:00 شاماسىندا اقتوبە-ورسك تاسجولىندا، قارعالى اۋدانى اششىلىساي اۋلىنىڭ ماڭىندا جول اپاتى بولدى. Toyota Alphard كولىگى اۋدارىلىپ قالعان، - دەپ حابارلايدى Dalanews.kz.
وقيعا سالدارىنان ءتورت ادام قازا تاۋىپ، بىرەۋى اۋرۋحاناعا جاتقىزىلدى.
"كولىك جۇرگىزۋشىسى اقتوبە قالاسىنان ورسك قالاسىنا جولاۋشىلاردى رەسمي تاسىمالداعانى جانە جول اپاتىنان بىرنەشە ساعات بۇرىن پوليسيا قىزمەتكەرلەرى وسى جۇرگىزۋشىمەن جول اپاتىنىڭ الدىن الۋ بويىنشا پروفيلاكتيكالىق اڭگىمە جۇرگىزگەنى انىقتالدى. سوعان قاراماستان جۇرگىزۋشى پوليسەيلەردىڭ ەسكەرتۋىن ەلەمەگەن"، - دەپ جازىلعان حابارلامادا.
جول اپاتى بويىنشا سوتالدى تەرگەۋ جۇرگىزىلىپ جاتىر.
