كٶرشٸ قىزدى قۇتقارماق بولعان كەزدە قازا تاپقان نۇربول بەردٸعاليەۆتٸڭ جارى جولداسىنىڭ قانداي ادام جەنە باپكەر بولعانىن, ونى شەكٸرتتەرٸ مەن جاقىندارىنىڭ نە ٷشٸن قادٸرلەگەنٸن ايتىپ بەردٸ. كٶپ بالالى انا ەرٸ جەسٸر كەلٸنشەك قازٸرگٸ قيىندىقتارى مەن باسپانا مەسەلەسٸ, بالالارىنىڭ بولاشاعىنا الاڭداۋشىلىعى تۋرالى دا بٶلٸستٸ, دەپ حابارلايدى Dalanews.kz Sportburo.kz پورتالىنا سٸلتەمە جاساپ.
– ٶزٸڭٸز جەنە وتباسىڭىز جايلى ايتىپ بەرسەڭٸز. نۇربول ەكەۋٸڭٸز قالاي تانىستىڭىزدار?
– مەنٸڭ ەسٸمٸم - باقىتباي اقبايان ىقىلاسقىزى. 1993 جىلى اقتٶبە وبلىسى بايعانين اۋدانى جارلى اۋىلىندا دٷنيەگە كەلدٸم. نۇربولمەن 2013 جىلى تانىسىپ, بٸردەن وتباسىن قۇردىق. ونىڭ ەر ازاماتقا تەن قاسيەتتەرٸ, سابىرلىلىعى مەن قامقورلىعى بٸردەن ۇنادى. ونىڭ قازاسىنان كەيٸن التى بالامەن قالدىم: ەكٸ ۇلىم (2014 جەنە 2015 جىلى تۋعان) جەنە تٶرت قىزىم (2018, 2019, 2022 جىلى تۋعان), كەنجە قىزىمىزعا نەبەرٸ بەس اي عانا بولدى.
– جولداسىڭىز قانداي ادام ەدٸ? ٷيدە, وتباسىندا قانداي ەدٸ? ونىڭ قانداي قاسيەتتەرٸن ەرەكشە باعالايسىز?
– نۇربول ٶتە تەرتٸپتٸ, ەڭبەكقور ادام بولاتىن. تاڭنان ەرتە كەتٸپ, كەشكە بٸر-اق كەلەتٸن. بار ۋاقىتىن جۇمىسىنا ارنايتىن. تٷستە عانا ٷيگە كەلٸپ, ازداپ دەمالىپ الىپ, قايتا جاتتىعۋعا كەتەتٸن. سونداي-اق ول ٶتە قامقور ەكە بولدى. بالالارىن شىن جاقسى كٶرٸپ, ولارعا بارىن بەرۋگە تىرىساتىن – مەيٸرٸمٸن, ۋاقىتىن, جاقسى تەربيەسٸن.
– دەمەك, جاتتىقتىرۋشى بولۋ - ونىڭ جاي جۇمىسى ەمەس, ٶمٸرٸنٸڭ مەنٸ بولعانى عوي?
– يە, نۇربول جۇمىسىن جان-تەنٸمەن سٷيەتٸن. شەكٸرتتەرٸ جارىستاردا جەڭٸسكە جەتسە, بٸردەن دەمەۋشٸ ٸزدەپ, ولاردى ىنتالاندىرۋعا تىرىساتىن. ول ٷشٸن جاتتىقتىرۋشى عانا ەمەس, ناعىز تەلٸمگەر بولاتىن. كەيدە مەن وعان «بەرٸن شەكٸرتتەرٸڭە ارناپ كەتتٸڭ» دەپ ەزٸلدەپ تە رەنجيتٸنمٸن. ول بولسا: «ولاردىڭ جەڭٸسٸ – مەنٸڭ دە نەتيجەم» دەيتٸن. ٶزٸنٸڭ مۇقتاجىن ۇمىتىپ كەتسە دە, بالالارى مەن شەكٸرتتەرٸ ٷشٸن بەرٸن بەرۋگە دايىن تۇراتىن.
– سٸز ونى ٶتە جىلى, شىنايى ەسكە الىپ وتىرسىز. ال ونىڭ دوستارى مەن ەرٸپتەستەرٸ نە دەپ ايتىپ جٷرەتٸن ەدٸ?
– ول سپورت – مەنٸڭ ٶمٸرٸم, ونسىز ماعان بەرٸ مەنسٸز دەيتٸن. ٶزگە بٸر ٸسپەن اينالىسۋدى تٸپتٸ ەلەستەتە المايتىن. دوستارى, ەرٸپتەستەرٸ, كٶرشٸلەرٸ بٸر اۋىزدان: «نۇربول - جاتتىقتىرۋشى بولۋ ٷشٸن تۋعان, ناعىز مۇعالٸم ەدٸ», – دەپ ايتىپ وتىراتىن.
– نۇربول ٶمٸرٸنٸڭ ناعىز گٷلدەنگەن كەزٸندە ٶمٸردەن ٶتتٸ. سٸزدەردٸڭ قانداي ارمان, جوسپارلارىڭىز بار ەدٸ?
– ارماندارىمىز ورتاق ەدٸ, جوسپارىمىز كٶپ بولدى. ول ٶز قولىمەن ٷيٸمٸزگە اسٷي سالىپ بەردٸ. مەنٸڭ فاستفۋد پٸسٸرٸپ ساتۋ ٸسٸمدٸ باستاۋىم ٷشٸن. بۇل كەسٸبٸمدٸ ۋاقىتشا توقتاتۋعا مەجبٷرمٸن, سەبەبٸ قازٸر بەس ايلىق بالامەن وتىرمىن. ول ەردايىم: «بۇل - سەنٸڭ ٸسٸڭ, جاقسى الىپ كەتەسٸڭ» دەپ قولدايتىن. بالالارمەن قانشا شارشاسام دا, ونىڭ جانىندا بولۋعا تىرىساتىنمىن. بٸز بٸر-بٸرٸمٸزگە تٸرەۋ ەدٸك.
– قازٸرگٸ تاڭدا وتباسىڭىزدى اسىراۋ ٷشٸن قانداي قارجىلىق كٶزٸڭٸز بار?
– قازٸر مەملەكەتتەن اي سايىن 94 000 تەڭگە جەردەماقى الامىن. وسى قاراجاتپەن بالالاردى اسىراپ وتىرمىن. بۇدان باسقا تابىس كٶزٸ جوق.
– سٸز ٷيدٸ مەملەكەتتٸك باعدارلاما ارقىلى يپوتەكامەن العانىڭىزدى ايتىپ قالدىڭىز. ول ەلٸ تولىق تٶلەنبەگەن ەكەن. وسىعان بايلانىستى قوعامعا قانداي ٶتٸنٸشٸڭٸز بار?
– شىنى كەرەك, قازٸر ٶتە قيىن. ٷيدٸ 2019 جىلدىڭ قىركٷيەگٸندە مەملەكەتتٸك باعدارلاما اياسىندا ساتىپ الدىق. ول كەزدە باعاسى شامامەن 2,5 ميلليون تەڭگە ەدٸ. بارلىق تٶلەمدەردٸ كٷيەۋٸم ٶزٸ جاساپ كەلدٸ, مەن بۇل جاعىنا مٷلدە باس قاتىرمايتىنمىن. قازٸر التى بالامەن جالعىز قالدىم, نە بولاتىنىن بٸلمەيمٸن. ٷي ەلٸ مەملەكەت مەنشٸگٸندە. سول سەبەپتٸ ونى وتباسىمىزدىڭ اتىنا اۋدارۋعا كٶمەكتەسۋلەرٸڭٸزدٸ سۇرايمىن. بۇل مەسەلە تەزٸرەك شەشٸلسە ەكەن دەيمٸن.
ەسكە سالا كەتەيٸك, 17 ماۋسىمدا اقتٶبە وبلىسى بايعانين اۋدانى جارلى اۋىلىندا قايعىلى وقيعا بولدى. مەكتەپ وقۋشىسى تەرەڭدٸگٸ 10 مەتر بولاتىن قاراۋسىز قالعان قۇدىققا قۇلاپ كەتكەن. كٶمەككە كەلگەن كٶرشٸسٸ, ەركٸن كٷرەس جاتتىقتىرۋشىسى نۇربول بەردٸعاليەۆ قىزدى قۇتقارۋعا ۇمتىلعان, ٶكٸنٸشكە قاراي, ول دا, 9 جاستاعى قىز بالا دا وقيعا ورنىندا كٶز جۇمدى.
نۇربول بەردٸعاليەۆ 2017 جىلى جارلى اۋىلىنا قونىس اۋدارىپ, بالالار-جاسٶسپٸرٸمدەر سپورت مەكتەبٸندە جاتتىقتىرۋشى قىزمەتٸن اتقارعان. وسى ۋاقىت ٸشٸندە ول ونداعان رەسپۋبليكالىق جەنە وبلىستىق جارىس جەڭٸمپازدارىن تەربيەلەپ ٷلگەرگەن. شامامەن 20-عا جۋىق شەكٸرتٸ سپورت شەبەرلٸگٸنە كانديدات اتانعان.
