اقتوبە وبلىسىندا ءۇش «TANK» جول تالعامايتىن كولىگىن اۋدان اكىمدىكتەرى ساتىپ العان. مەملەكەتتىك ساتىپ الۋلارعا قويىلعان تالاپتار اراسىندا ماسساج، جەلدەتۋ جانە ورىندىقتاردى جىلىتۋ فۋنكسياسى، پرەميۋم اكۋستيكالىق جۇيە سەكىلدى تارماقتار بار، دەپ حابارلايدى Dalanews.kz Ulysmedia.kz-كە سىلتەپ.
«دياپازون» باسىلىمىنىڭ حابارلاۋىنشا، بايعانين اۋدانى اكىمدىگى «Haval Tank 500» جول تالعامايتىن كولىگىن «قىزمەتتىك قاجەتتىلىكتەر» ءۇشىن 27 ملن تەڭگەگە ساتىپ العان. سونىمەن قاتار، 5 اقپاندا ىرعىز اۋدانى اكىمدىگىنە 26 500 000 تەڭگەگە قىزمەتتىك جول تالعامايتىن كولىك ساتىپ الىنعانى انىقتالدى. اۆتوكولىك سيپاتتامالارى ۇقساس: الدىڭعى جانە ارتقى قاتار ورىندىقتارىنىڭ ماسساج جانە جەلدەتۋ فۋنكسيالارى، پرەميۋم اكۋستيكالىق جۇيە، ورىندىقتارى NAPPA تەرىسىمەن قاپتالعان.
ايتەكە بي اۋدانى اكىمدىگى ءۇشىن مەملەكەتتىك ساتىپ الۋلار سايتىندا 24،107 ملن تەڭگەگە قىزمەتتىك اۆتوكولىك ساتىپ الىنعان. ماشينا سيپاتتامالارىنا سايكەس، 2024 جىلى شىعارىلعان، الدىڭعى جانە ارتقى قاتار ورىندىقتارى جىلىتىلعان، اينالمالى كامەرا جانە 8 ديناميك اكۋستيكالىق جۇيەسى بار.
بارلىق ساتىپ الۋلار ناتيجەسىندە «TANK 500» جول تالعامايتىن كولىكتەرى ساتىپ الىندى.
