ق ر پرەزيدەنتى اكىمشىلىگىمەن كەلىسىلگەن جاڭا كانديدات بۇعان دەيىن ماڭعىستاۋ وبلىسى اكىمىنىڭ ورىنباسارى قىزمەتىن اتقارعان ۇلىقبەك تنالييەۆ بولدى.
ۇلىقبەك تنالييەۆ اتىراۋ مۇناي جانە گاز ينستيتۋتىنىڭ باكالاۆرياتىن "تەحنولوگيالىق ماشينالار مەن جابدىقتار" ماماندىعى بويىنشا بىتىرگەن، "تەحنيكا عىلىمدارى" ماگيسترى، سونداي-اق "ەكونوميكا جانە بيزنەس"ماگيسترى اكادەميالىق دارەجەسىنە يە.
ەڭبەك جولىن 2006 جىلى ازاماتتىق قوعام جانە جاستار ساياساتى سالاسىندا باستاعان.
اتىراۋ وبلىسى ماحامبەت اۋدانى اكىمىنىڭ ورىنباسارى، اتىراۋ وبلىسى جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسى باسشىسىنىڭ ورىنباسارى، اتىراۋ قالاسى اكىمىنىڭ ورىنباسارى قىزمەتتەرىن اتقاردى.
2020 جىلدان 2022 جىلعا دەيىن قوعامدىق-ساياسي جۇمىس باسقارماسىنىڭ باسشىسى، اقپارات جانە قوعامدىق دامۋ مينيسترلىگى دەپارتامەنتىنىڭ ديرەكتورى قىزمەتتەرىن اتقاردى.
2022 جىلدىڭ ماۋسىمىنان بۇگىنگى كۇنگە دەيىن-ماڭعىستاۋ وبلىسى اكىمىنىڭ ورىنباسارى بولدى.
قالالىق ءماسليحات دەپۋتاتتارى تنالييەۆتىڭ كانديداتۋراسىن قولدادى.
نۇرلان نوعايەۆ ەربول ىزبەرگەنوۆكە اتقارعان جۇمىستارى ءۇشىن العىسىن ءبىلدىرىپ، ۇلىقبەك تنالييەۆكە اقتاۋ قالاسىنىڭ الەۋمەتتىك-ەكونوميكالىق دامۋىنا قاتىستى ءبىرقاتار ناقتى تاپسىرمالار بەردى.
