ەزٸربايجان پرەزيدەنتٸ يلحام ەليەۆ اقتاۋ ماڭىندا اپاتقا ۇشىراعان Azerbaijan Airlines ۇشاعىنا قاتىستى قىلمىستىق ٸستٸ تەرەڭدەتٸپ زەرتتەۋدٸ جەنە كٸنەلٸلەردٸ جاۋاپقا تارتۋدى تالاپ ەتتٸ, دەپ حابارلايدى Dalanews.kz.
“قىلمىستىق ٸستٸڭ تولىق ماتەريالدارىن جارييالاۋ ەلٸ ەرتە. الدىن الا تەرگەۋ نەتيجەلەرٸمەن تانىستىم. بۇل قايعىلى وقيعادا ەزەربايجان ازاماتتارىنىڭ ٶلٸمٸنە رەسەي فەدەراتسيياسىنىڭ ٶكٸلدەرٸ كٸنەلٸ ەكەنٸن سەنٸمدٸ تٷردە ايتا الامىن. ەدٸلدٸكتٸ تالاپ ەتەمٸز. تەرگەۋ اشىق ەرٸ ەدٸل ٶتۋٸ كەرەك”, – دەدٸ ول.
ەليەۆتٸڭ ايتۋىنشا, قارا جەشٸكتٸ اشۋ جۇمىستارى جٷرٸپ جاتىر. ول رەسەي فەدەراتسيياسىنىڭ تەرگەۋدٸ باستان-اياق تولىق اشىق جٷرگٸزبەگەنٸن جەنە كەيبٸر فاكتٸلەردٸ جاسىرۋعا تىرىسقانىن اتاپ ٶتتٸ.
“مەملەكەتارالىق اۆياتسييا كوميتەتٸنە قارا جەشٸكتەردٸ اشۋعا رۇقسات بەرەر ەدٸك, بٸراق رەسەي تاراپى وقيعانى قۇستارعا نەمەسە باسقا سەبەپتەرگە جابۋعا ەرەكەتتەنگەننەن كەيٸن كٷمەنٸمٸز كٷشەيدٸ. بۇل ۇيىممەن بۇرىننان جۇمىس ٸستەپ كەلسەك تە, وسىنداي جاعدايلاردان كەيٸن تەرگەۋ ەدٸلدٸگٸنە كٷمەن تۋدىردى”, – دەدٸ ەزەربايجان باسشىسى.
يلحام ەليەۆ جاقىن ارادا اپاتقا قاتىستى الدىن الا مەلٸمەتتەردٸڭ جارييالاناتىنىنا سەنٸم بٸلدٸرٸپ, شىندىقتىڭ اشىلاتىنىن اتاپ ٶتتٸ.
“بۇل قايعىلى جاعدايدىڭ بارلىق قىرىن اشىپ, كٸنەلٸلەردٸ انىقتاۋ – بٸزدٸڭ مٸندەتٸمٸز. تەرگەۋدٸڭ سوڭىندا شىندىق ورنايتىنىنا سەنەمٸن”, – دەدٸ ول.
ايتا كەتەيٸك, 2024 جىلى 25 جەلتوقساندا جەرگٸلٸكتٸ ۋاقىت بويىنشا 11.30-دا اقتاۋ ماڭىندا باكۋدەن گروزنىيعا ۇشىپ بارا جاتقان ۇشاق اپاتقا ۇشىرادى. بۇل - Azerbaijan Airlines ەۋەكومپانيياسىنا تيەسٸلٸ ەمبراەر 190 ۇشاعى.
اقپارات بويىنشا ۇشاق بورتىندا 67 ادام, ونىڭ ٸشٸندە 5 ەكيپاج مٷشەسٸ بولعان.
اپاتتان 6 قازاقستاندىق كٶز جۇمدى. جالپى قازا تاپقاندار سانى — 38. قايعىلى وقيعادان 29 ادام امان قالدى.
قايعىلى وقيعادان كەيٸن ەزەربايجاندا جالپىۇلتتىق ازا تۇتۋ كٷنٸ جارييالاندى. تٷستە بٷكٸل ەل بويىنشا مەملەكەتتٸك تۋلار تٷسٸرٸلٸپ, كٶلٸكتەر توقتادى. ەزەربايجاندىقتار قازا تاپقانداردى بٸر مينۋت ٷنسٸزدٸكپەن ەسكە الدى.
كەيٸنٸرەك چيكاگو كونۆەنتسيياسىنىڭ 13-قوسىمشاسىنا سەيكەس قازاقستان ەزەربايجان مەن رەسەيدٸڭ اۆياتسييالىق ورگاندارىمەن اقىلداسقان سوڭ, قر كٶلٸك مينيسترٸ مارات قاراباەۆ باسقاراتىن كوميسسييا Embraer ۇشاعىنىڭ قارا جەشٸگٸن برازيليياداعى CENIPA ورتالىعىنا جٸبەرۋ تۋرالى شەشٸم قابىلدادى.
