2025 جىلى 17 قاڭتاردا ارنايى بريفينگ بارىسىندا ۇلتتىق بانك ءتوراعاسى تيمۋر سۇلەيمەنوۆ اقشا ايىرباس ورىندارى ءۇشىن ۆاليۋتانى ساتىپ الۋ مەن ساتۋ اراسىندا بەلگىلەنگەن شەككە قاتىستى تۇسىنىكتەمە بەردى. ول بۇل وزگەرىسكە قاتىستى شەشىم ءالى قابىلدانباعانىن، ۇسىنىلعان تۇزەتۋلەر ءالى دە تالقى ساتىسىندا ەكەنىن باسا اتاپ ءوتتى، دەپ جازادى Dalanews.kz.

"ءيا، ءبىز وسىنداي شەكتەۋدى بەلگىلەۋدى جوسپارلاپ وتىرمىز. ەستەرىڭىزگە سالا كەتەيىن، بۇل نورما 2023 جىلعا دەيىن قولدانىلىپ كەلگەن. 2023 جىلى باعام از دا كوپ تە بولسا، تۇراقتانعاننان كەيىن ۇلتتىق بانك وسى تارماقتى شەكتەۋ جونىندەگى نورمانىڭ قولدانىسىن ۇزارتپاۋ تۋرالى شەشىم قابىلدادى. ءبىراق ءقازىر ءبىز، وكىنىشكە قاراي، جاھاندىق نارىقتارداعى اۋىتقۋشىلىقتىڭ ۇلكەن ەكەنىن جانە ءبىزدىڭ ەلىمىزدىڭ ۆاليۋتا نارىعىندا دا سونداي قۇبىلىستار بارىن كورىپ وتىرمىز. سوندىقتان ءبىز بۇل ارالىق شەكتى قايتا بەكىتۋ قاجەت دەگەن قورىتىندىعا كەلدىك"، – دەدى سۇلەيمەنوۆ ۇلتتىق بانكتەگى بريفينگتە.

ول ارالىق شەك بارلىعىنا قاتىستى بولاتىنىن اتاپ ءوتتى، سوندىقتان بۇل ماسەلەدە رەتتەۋشى ورگان باسەكەلەستىككە نۇقسان كەلتىرىلمەيدى. قازاقستاندا 2 مىڭ اقشا ايىرباس ورىندارى جاڭا ەرەجەلەر بويىنشا بىردەي جۇمىس ىستەي باستايدى.

"كولەڭكەلى نارىققا قاتىستى ماسەلەلەرگە كەلەتىن بولساق، جوق، وسى 7 تەڭگە بولاتىن ارالىق شەك اقشا ايىرباس ورىندارىنىڭ ءوز وپەراسيالىق قىزمەتىن قامتاماسىز ەتۋى ءۇشىن جەتكىلىكتى، ءبىراق سونىمەن بىرگە شارۋاشىلىق جۇرگىزۋشى سۋبەكتىلەر ءۇشىن قوسىمشا قۇبىلمالىلىق تۋدىرماۋى ءۇشىن دە جەتكىلىكتى"، – دەپ ءسوزىن قورىتىندىلايدى سۇلەيمەنوۆ.

ايتا كەتسەك، 14 قاڭتاردا ۇلتتىق بانك اقشا ايىرباستاۋ پۋنكتتەرى ارقىلى جۇرگىزىلەتىن وپەراسيالار بويىنشا تەڭگەگە شەتەل ۆاليۋتاسىن ساتىپ الۋ باعامىنىڭ ساتۋ باعامىنان اۋىتقۋ شەكتەرىن بەلگىلەۋ تۋرالى قاۋلى جوباسىن جاريالادى. وعان سايكەس، شەتەل ۆاليۋتاسىن ساتىپ الۋ باعامىنىڭ ساتۋ باعامىنان اۋىتقۋ شەگى اقش دوللارى ءۇشىن – 7 تەڭگە، ەۆرو ءۇشىن – 10 تەڭگە دەيىن بەلگىلەۋ ۇسىنىلادى.