اقش ورتالىق ازيانىڭ سيرەك كەزدەسەتىن مەتالدارىنا قىزىعىپ وتىر، ويتكەنى ۋكرايناداعى رەسۋرس كولەمى وتە از. بۇل تۋرالى Nationall Interest باسىلىمى جازدى، - دەپ حابارلايدى Dalanews.kz.
كييەۆپەن كەلىسىمگە كەلۋ تەك العاشقى قادام ەكەنى ايتىلعان. ۆاشينگتون ورتالىق ازيا رەسۋرستارىنا قول جەتكىزگىسى كەلەدى، ءبىراق بۇل وڭاي بولمايدى، ويتكەنى بۇل جەرلەر رەسەي مەن جۇڭگو قىزىعۋشىلىق تانىتاتىن ايماققا كىرەدى.
"امەريكا قۇراما شتاتتارى مينەرالدى پورتفەلىن تولىقتىرۋدىڭ قوسىمشا نۇسقالارىن قاراستىرۋى كەرەك. وسىنداي ايماقتاردىڭ ءبىرى سيرەك كەزدەسەتىن مەتالداردىڭ ەداۋىر قورى بار ورتالىق ازيا بولۋى مۇمكىن. بۇل تۇرعىدا ورتالىق ازيا ەلدەرىمەن - قازاقستان، قىرعىزستان، تاجىكستان، تۇرىكمەنستان جانە وزبەكستانمەن تىعىز بايلانىس ورناتۋ شەشۋشى مانگە يە بولادى"، - دەپ جازىلعان باسىلىمدا.
بۇعان دەيىن اقش وزبەكستانمەن سيرەك كەزدەسەتىن مەتالداردى ءوندىرۋ تۋرالى مامىلە جاساعان بولاتىن. ۆاشينگتون مەن تاشكەنت وكىلدەرى 9 ساۋىردە اقش استاناسىندا كەلىسىمگە قول قويدى.
