اقش سيريادان بارلىق اسكەري قىزمەتكەرلەرىن شىعارۋدى جوسپارلاپ وتىر، دەپ حابارلايدى Dalanews.kz.
اقش بيلىگى سيريا اۋماعىنان امەريكالىق بارلىق اسكەري قىزمەتكەرلەردى، شامامەن 1 مىڭ ادامدى تولىقتاي شىعارۋ جوسپارىن قاراستىرىپ جاتىر. بۇل تۋرالى The Wall Street Journal دەرەككوزدەرىنە سىلتەمە جاساپ حابارلادى.
باسىلىممەن تىلدەسكەن دەرەككوزدەردىڭ ايتۋىنشا، اقش اسكەريلەرى سيريادان الداعى ەكى ايدىڭ ىشىندە كەتۋى مۇمكىن. قازىرگى تاڭدا ەل اۋماعىندا شامامەن مىڭعا جۋىق امەريكالىق اسكەري قىزمەتكەر بار.
اقش تاراپىنان بۇل اقپاراتقا قاتىستى ازىرگە رەسمي مالىمدەمە جاسالعان جوق.
