تارازدا بوسانعان ەيەل قانعا تٷسكەن قاۋٸپتٸ ينفەكتسييادان قايتىس بولدى. وبلىستىق پەريناتالدى ورتالىقتا وتا ارقىلى بوسانعان ەيەلدٸڭ ەكٸ كٷننەن كەيٸن قىزۋى كٶتەرٸلٸپ, جاعدايى كٷرت ناشارلاعان. تەكسەرە كەلە, ونىڭ قانىنان سەپسيس بولعانى انىقتالعان, دەپ حابارلايدى dalanews.kz "كتك" تەلەارناسىنا سٸلتەپ.
تەلەارنا مەلٸمەتٸنشە, ون كٷننەن اسا ەس-تٷسسٸز جاتقان ەيەل جانساقتاۋ بٶلٸمٸندە جان تاپسىرعان. پەرزەنتحاناعا "ٶز اياعىمەن كەلٸپ, اۋرۋ تاپتى" دەگەن مارقۇمنىڭ تۋىستارى دەرٸگەرلەر وتانى "سالعىرت جاساعان" دەپ وتىر. ولاردىڭ سٶزٸنشە, ايى كٷنٸ جەتٸپ تۇرعان ەيەلگە وتا جاساۋعا اقشا تالاپ ەتكەن. مارقۇمنىڭ تۋىستارى ناۋقاستىڭ دەنساۋلىعىن ويلاماي, قاراجات تالاپ ەتكەن پەرزەنتحانا ۇجىمى "تيٸستٸ جازاسىن السىن" دەيدٸ.
مارقۇمنىڭ تۋىستارىنىڭ ايتۋىنشا, جٷكتٸ ەيەلدٸ پەرزەنتحاناعا الدىن الا الىپ كەلگەندە, دەرٸگەرلەر ٶز كٷشٸمەن بوسانادى دەپ, ٷيٸنە قايتارىپ جٸبەرگەن. الايدا ايى-كٷنٸ جەتٸپ, جٷكتٸلٸكتٸڭ 40-اپتاسىنان اسقان كەزدە دەرٸگەرلەر بالانىڭ سالماعى ٷلكەن دەپ, وتا جاساۋعا باعىتتاعان.
مارقۇمنىڭ جاقىندارى دەنٸ ساۋ ەيەلگە قاۋٸپتٸ كەسەل "پەرزەنتحانادان جۇقتى" دەپ وتىر. ولار دٷنيە ەسٸگٸن اشقان نەرەستەنٸڭ دەنساۋلىعى جاقسى ەكەنٸن ايتادى.
ال وبلىستىق دەنساۋلىق باسقارماسىنىڭ ماماندارى انا ٶلٸمٸنە قاتىستى ٸستٸ تەكسەرۋ ٷشٸن جۇمىس توبى قۇرىلعانىن مەلٸمدەدٸ. 37 جاستاعى كەلٸنشەكتٸڭ ارتىندا بەس بالاسى قالدى. مۇنداي قايعىلى وقيعا بيىل وبلىستىق پەرەناتالدىق ورتالىقتا ەكٸنشٸ مەرتە تٸركەلٸپ وتىر.
