اقش-تا ٶتٸپ جاتقان فۋتبولدان ەلەم چەمپيوناتى كٶرەرمەن سانى بويىنشا رەكورد ورناتۋعا جاقىن. قىمبات بيلەت باعاسى مەن بٸرقاتار ەل ازاماتتارىنا قويىلعان كٸرۋ شەكتەۋلەرٸنە قاراماستان, تۋرنيرگە قىزىعۋشىلىق جوعارى بولىپ وتىر, دەپ حابارلايدى dalanews.kz.
44 ماتچتىڭ قورىتىندىسى بويىنشا ستاديوندارعا 2,85 ميلليوننان استام جانكٷيەر كەلگەن. كەزدەسۋلەردەگٸ ورىنداردىڭ تولۋ دەڭگەيٸ شامامەن 100 پايىزعا جەتكەن.
ساراپشىلاردىڭ پٸكٸرٸنشە, مۇنداي جوعارى كٶرسەتكٸشكە تەك فۋتبولدىڭ تانىمالدىعى ەمەس, امەريكالىقتاردىڭ ٸرٸ حالىقارالىق سپورتتىق ٸس-شارالارعا دەگەن قىزىعۋشىلىعى دا ەسەر ەتكەن.
ەكٸنشٸ نارىقتاعى بيلەت قۇنى ورتا ەسەپپەن 798 اقش دوللارىنا دەيٸن جەتكەنٸمەن, سۇرانىس بەسەڭدەمەگەن. مامانداردىڭ بولجامىنشا, تۋرنيردەن FIFA-نىڭ جالپى تابىسى 4 ميلليارد دوللاردان اسۋى مٷمكٸن.
سونداي-اق حالىقارالىق تۋريزمنٸڭ تٶمەندەۋٸ مەن كەيبٸر مەملەكەت ازاماتتارىنا قاتىستى ەنگٸزٸلگەن شەكتەۋلەر دە جارىستىڭ ەڭ كٶپ كٶرەرمەن جيناعان تۋرنيرلەردٸڭ بٸرٸنە اينالۋىنا كەدەرگٸ بولماعانى اتاپ ٶتٸلدٸ.
