AQSh-ta ótip jatqan fýtboldan álem chempionaty kórermen sany boiynsha rekord ornatýǵa jaqyn. Qymbat bilet baǵasy men birqatar el azamattaryna qoiylǵan kirý shekteýlerine qaramastan, týrnirge qyzyǵýshylyq joǵary bolyp otyr, dep habarlaidy dalanews.kz.
44 matchtyń qorytyndysy boiynsha stadiondarǵa 2,85 millionnan astam jankúier kelgen. Kezdesýlerdegi oryndardyń tolý deńgeii shamamen 100 paiyzǵa jetken.
Sarapshylardyń pikirinshe, mundai joǵary kórsetkishke tek fýtboldyń tanymaldyǵy emes, amerikalyqtardyń iri halyqaralyq sporttyq is-sharalarǵa degen qyzyǵýshylyǵy da áser etken.
Ekinshi naryqtaǵy bilet quny orta eseppen 798 AQSh dollaryna deiin jetkenimen, suranys báseńdemegen. Mamandardyń boljamynsha, týrnirden FIFA-nyń jalpy tabysy 4 milliard dollardan asýy múmkin.
Sondai-aq halyqaralyq týrizmniń tómendeýi men keibir memleket azamattaryna qatysty engizilgen shekteýler de jarystyń eń kóp kórermen jinaǵan týrnirlerdiń birine ainalýyna kedergi bolmaǵany atap ótildi.
