قازاقستان اقش ەكٸمشٸلٸگٸ قىتايدان كەلەتٸن تاۋارلارعا سالىناتىن باج سالىعىن ٷشٸنشٸ ەلدەر ارقىلى اينالىپ ٶتۋ تەۋەكەلٸ بار مەملەكەتتەر قاتارىندا اتاعان ەلدەر تٸزٸمٸنە كٸردٸ, دەپ حابارلايدى dalanews.kz.
اقش ەكٸمشٸلٸگٸ جارييالاعان «The Great Transshipment Scam» قۇجاتىندا قىتايدان شىققان تاۋارلاردىڭ جوعارى تاريفتەردٸ اينالىپ ٶتۋ ٷشٸن باجى تٶمەن ەلدەر ارقىلى اقش نارىعىنا جەتكٸزٸلۋٸ مٷمكٸن ەكەنٸ ايتىلعان.
قۇجاتتا مۇنداي سحەمالاردا تاۋارلاردى قايتا قاپتاۋ, تاڭبالاۋ, شوت-فاكتۋرالاردى ٶزگەرتۋ, ٶنٸمگە شامالى ٶڭدەۋ جٷرگٸزۋ نەمەسە ونىڭ شىققان ەلٸن قاتە كٶرسەتۋ سيياقتى تەسٸلدەر قولدانىلۋى مٷمكٸن ەكەنٸ كٶرسەتٸلگەن. سونىمەن قاتار اقش تاراپى ساۋدا باعىتتارىنىڭ ٶزگەرۋٸ ەردايىم زاڭسىز ەرەكەتتٸ بٸلدٸرمەيتٸنٸن, وعان ٶندٸرٸس پەن ينۆەستيتسييالاردىڭ اۋىسۋى, سونداي-اق جاھاندىق جەتكٸزۋ تٸزبەكتەرٸندەگٸ ٶزگەرٸستەر دە سەبەپ بولۋى مٷمكٸن ەكەنٸن اتاپ ٶتكەن.
اق ٷيدٸڭ مەلٸمەتٸنشە, بولجامدى سحەمالارعا قاتىسى بولۋى مٷمكٸن 40-تان استام مەملەكەت پەن ەكونوميكا قۇجاتقا ەنگٸزٸلگەن. اقش ەكٸمشٸلٸگٸنٸڭ باعالاۋىنشا, مۇنداي ىقتيمال قايتا تيەۋ وپەراتسييالارىنىڭ كٶلەمٸ ەسەپتەۋ ەدٸسٸنە قاراي جىلىنا $40 ملرد-تان $303 ملرد-قا دەيٸن جەتۋٸ مٷمكٸن.
قازاقستان, ەزەربايجان, گرۋزييا جەنە ٶزبەكستان قۇجاتتا Tier III ساناتىنا ەنگٸزٸلگەن. بۇل ساناتقا بولجامدى قايتا تيەۋ كٶلەمٸ سالىستىرمالى تٷردە تٶمەن, الايدا ساۋدا باعىتتارىن ٶزگەرتۋ ٷشٸن بەلگٸلٸ بٸر مٷمكٸندٸكتەرٸ بار شاعىن ەكونوميكالار جاتقىزىلعان.
قۇجاتتا مۇنداي تەۋەكەل فاكتورلارى رەتٸندە ارزان جۇمىس كٷشٸ, ەركٸن ەكونوميكالىق ايماقتار, شەكارالار مەن پورتتارعا قولجەتٸمدٸلٸك, كەدەن قويمالارى, ارنايى قۇراستىرۋ ٶندٸرٸستەرٸ جەنە كەدەندٸك باقىلاۋدىڭ شەكتەۋلٸ بولۋى اتالادى.
الايدا اقش قۇجاتىندا قازاقستانعا قاتىستى ناقتى كومپانييالار, وپەراتسييالار نەمەسە قىتاي تاۋارلارىن اقش-قا زاڭسىز قايتا ەكسپورتتاۋ جاعدايلارى كٶرسەتٸلمەگەن. سونداي-اق قازاقستاننىڭ بولجامدى سحەماداعى ناقتى رٶلٸ ەگجەي-تەگجەيلٸ سيپاتتالماعان.
قازاقستاننىڭ تٸزٸمگە ەنگٸزٸلۋٸ ەلدٸڭ حالىقارالىق كٶلٸك-لوگيستيكالىق باعىتتارداعى رٶلٸنٸڭ ارتۋى اياسىندا قارالىپ وتىر. قازاقستان قىتاي مەن ەۋروپانى بايلانىستىراتىن ساۋدا باعىتتارىنا, سونىڭ ٸشٸندە ورتا دەلٸزگە قاتىسادى.
قازٸرگٸ ۋاقىتتا قازاقستاننىڭ Tier III ساناتىنا ەنگٸزٸلۋٸنە بايلانىستى قانداي دا بٸر ناقتى سانكتسييا نەمەسە قوسىمشا باج ەنگٸزٸلەتٸنٸ تۋرالى اقپارات جوق. اقش ەكٸمشٸلٸگٸ ىقتيمال تاريفتٸك اينالىپ ٶتۋ سحەمالارىن باقىلاۋ ٷشٸن جاساندى ينتەللەكت نەگٸزٸندەگٸ America’s Detective Border جٷيەسٸن ەنگٸزۋدٸ ۇسىنعان.
