اقش يراننىڭ بەس مۇناي تانكەرٸن جويعانىن مەلٸمدەدٸ, ال يران امەريكالىق ەسكەريلەر ورنالاسقان يوردانيياداعى بازاعا جەنە ورمۋز بۇعازىنداعى 10 كەمەگە شابۋىل جاساعانىن حابارلادى, دەپ حابارلايدى dalanews.kz.
اقش ورتالىق قولباسشىلىعىنىڭ مەلٸمەتٸنشە, امەريكالىق كٷشتەر 8 قىركٷيەكتە يراننىڭ بەس مۇناي تانكەرٸن نىساناعا العان. اقش تاراپى بۇل كەمەلەر يران يسلام رەۆوليۋتسيياسى ساقشىلار كورپۋسىنىڭ (IRGC) جەنە ونىڭ ايماقتاعى سەرٸكتەستەرٸن قارجىلاندىراتىن كٶلەڭكەلٸ جەلٸنٸڭ بٶلٸگٸ بولعانىن مەلٸمدەدٸ.
ۆاشينگتوننىڭ ايتۋىنشا, بۇل سوققى يراننىڭ امەريكالىق ەسكەري كەمەسٸنە ەكٸ كٷن قاتارىنان بالليستيكالىق زىمىراندارمەن شابۋىل جاساۋ ەرەكەتٸنە جاۋاپ بولعان. اقش ەسكەري كەمەسٸ شابۋىلداردان جالتارىپ, امەريكالىق ەسكەري قىزمەتشٸلەر زارداپ شەكپەگەن.
يران تاراپى بۇعان جاۋاپ رەتٸندە يوردانيياداعى ەل-ازراق بازاسىنا بالليستيكالىق زىمىراندارمەن سوققى جاساعانىن مەلٸمدەدٸ. يران شابۋىلدان امەريكالىق ەسكەري نىساندارعا ەلەۋلٸ زالال كەلگەنٸن ايتقان. الايدا يوردانييا قارۋلى كٷشتەرٸ 20 زىمىراننىڭ 18-ٸن ەۋە قورعانىس جٷيەسٸ ارقىلى ۇستاپ قالعانىن, قالعان ەكەۋٸ ادام تۇرمايتىن اۋماقتارعا تٷسكەنٸن حابارلادى. قازا تاپقاندار مەن زارداپ شەككەندەر تۋرالى اقپارات جوق.
بۇدان بٶلەك, يران يسلام رەۆوليۋتسيياسى ساقشىلار كورپۋسى ورمۋز بۇعازىندا 10 كەمەگە شابۋىل جاساعانىن مەلٸمدەدٸ. ونىڭ ٸشٸندە ەكٸ امەريكالىق كەمە جەنە سەگٸز مۇناي تانكەرٸ بار. يران تاراپى بۇل كەمەلەردٸ «تىيىم سالىنعان جەنە قاۋٸپتٸ» ايماق ارقىلى ٶتۋگە ەرەكەت جاساعان دەپ سانايدى.
ورمۋز بۇعازى — ەلەمدٸك مۇناي تاسىمالى ٷشٸن ستراتەگييالىق ماڭىزى بار باعىتتاردىڭ بٸرٸ. سوڭعى شابۋىلدار تەڭٸز ارقىلى مۇناي جەتكٸزۋگە قاتىستى الاڭداۋشىلىقتى كٷشەيتٸپ, ەلەمدٸك نارىققا بٸردەن ەسەر ەتتٸ.
9 قىركٷيەكتە Brent ماركالى مۇناي باعاسى باررەلٸنە $100-دەن اسىپ, سوڭعى التى اپتاداعى ەڭ جوعارى دەڭگەيگە جەتتٸ. باعانىڭ ٶسۋٸنە ورمۋز بۇعازىنداعى تاسىمالدىڭ بۇزىلۋ قاۋپٸ, سونداي-اق ساۋد ارابيياسىنداعى ەنەرگەتيكالىق نىساندارعا حۋسيتتەردٸڭ شابۋىلدارى ەسەر ەتٸپ وتىر.
Reuters مەلٸمەتٸنشە, يراننىڭ شابۋىلدارى مەن اقش-تىڭ تانكەرلەرگە سوققى بەرۋٸ ايماقتاعى ەسكەري, تەڭٸز جەنە ەنەرگەتيكالىق نىساندارعا قاتىستى قاقتىعىستى جاڭا دەڭگەيگە شىعارعان. قازٸرگٸ تەكەتٸرەس پارسى شىعاناعىنداعى مۇناي جەتكٸزٸلٸمٸنە قاتىستى قاۋٸپتەردٸ كٷشەيتٸپ وتىر.
سونىمەن قاتار يرانعا جاقتاس حۋسيتتەر دە ساۋد ارابيياسىنىڭ وڭتٷستٸگٸندەگٸ نىساندارعا زىمىران جەنە درون شابۋىلدارىن جاساعان. ساۋد بيلٸگٸ بٸرقاتار جەردە ٶرت شىققانىن جەنە بەيبٸت تۇرعىنداردىڭ زارداپ شەككەنٸن حابارلادى.
وسىلايشا, اقش پەن يران اراسىنداعى قاقتىعىس ەسكەري نىساندارمەن عانا شەكتەلمەي, مۇناي تاسىمالى مەن ەلەمدٸك ەنەرگەتيكالىق نارىققا تٸكەلەي قاۋٸپ تٶندٸرە باستادى.
