ەلەمدٸك نارىقتا مۇناي ارزانداپ, سوڭعى 12 كٷندەگٸ ەڭ تٶمەنگٸ دەڭگەيگە تٷستٸ. بۇعان اقش پەن يران اراسىنداعى قارىم-قاتىناستىڭ جۇمسارۋى مٷمكٸن دەگەن ٷمٸت پەن ساۋد ارابيياسىنان مۇناي جەتكٸزٸلٸمٸنٸڭ ارتۋى سەبەپ بولدى, دەپ حابارلايدى dalanews.kz.
دٷيسەنبٸ كٷنگٸ ساۋدادا قاراشا ايىندا جەتكٸزٸلەتٸن Brent ماركالى مۇنايدىڭ بٸر باررەلٸ 3,4%-عا ارزانداپ, 100,34 دوللار بولدى. ال قازان ايىنا ارنالعان WTI ماركالى مۇناي باعاسى 4,51%-عا تٶمەندەپ, 95,78 دوللارعا جەتتٸ. قاراشاداعى WTI كەلٸسٸمشارتى 92,47 دوللار دەڭگەيٸندە ساۋدالاندى.
20 قىركٷيەكتە اقش پەن يران بٸر-بٸرٸنە قاتاڭ مەلٸمدەمەلەر جاساعانىمەن, اقش پرەزيدەنتٸ دونالد ترامپ بۇۇ باس اسسامبلەياسى اياسىندا نيۋ-يوركتە يران پرەزيدەنتٸ ماسۋد پەزەشكيانمەن كەزدەسۋگە دايىن ەكەنٸن ايتتى.
وسى حاباردان كەيٸن ينۆەستورلار تاراپتاردىڭ وسى اپتادا كەلٸسسٶز ٷستەلٸنە قايتا وتىرۋى مٷمكٸن دەگەن ٷمٸتكە يە بولدى. Al Jazeera مەلٸمەتٸنشە, يران كەلٸسسٶزدەردٸ قايتا باستاۋعا قاتىستى ٶز ۇستانىمىن دەلدالدار ارقىلى جەتكٸزگەن. الايدا ٶڭٸردەگٸ احۋال ەلٸ دە تۇراقتالعان جوق.
يران قولدايتىن حۋسيتتەر ەر-ريياد قالاسى مەن يانبۋداعى Saudi Aramco نىساندارىنا سوققى جاساعانىن مەلٸمدەدٸ. بۇعان دەيٸن East-West مۇناي قۇبىرىنا جاسالعان شابۋىلدان كەيٸن كومپانييا مۇنايدى ورمۋز بۇعازى ارقىلى كٶبٸرەك تاسىمالداپ, يانبۋ باعىتىمەن جٶنەلتٸلەتٸن كٶلەمنٸڭ بٸر بٶلٸگٸن قىسقارتقان.
دەرەككٶزدەردٸڭ ايتۋىنشا, ساۋد ارابيياسىنىڭ ٶتٸنٸشٸنەن كەيٸن قىتاي دا يراننان حۋسيتتەردٸڭ ەرەكەتٸن تەجەۋگە ىقپال ەتۋدٸ سۇراعان. 20 قىركٷيەكتە Saudi Aramco پارسى شىعاناعىنداعى جەتٸ ٸرٸ تانكەرگە شامامەن 14 ميلليون باررەل مۇناي تيەگەن. سوڭعى التى كٷندە ورمۋز بۇعازى ارقىلى تەۋلٸگٸنە ورتا ەسەپپەن 2,9 ميلليون باررەل ساۋد مۇنايى ٶتكەن. ال تامىز ايىندا بۇل كٶرسەتكٸش شامامەن 700 مىڭ باررەل بولعان.
ساراپشىلاردىڭ پٸكٸرٸنشە, مۇناي جەتكٸزٸلٸمٸنٸڭ قايتا ارتۋى نارىقتاعى باعانىڭ تٶمەندەۋٸنە ەسەر ەتٸپ وتىر. سونىمەن قاتار ليۆيياداعى ٸرٸ شارارا كەن ورنىندا ٶندٸرٸس كٶلەمٸ ازايعان. بٸراق ەلدٸڭ ۇلتتىق مۇناي كورپوراتسيياسى ەزٸرگە ونىڭ ناقتى سەبەبٸن جارييالاعان جوق.
